ഗാന്ധിനഗര് കണ്ടുവാറ പച്ചാലപ്പൂട്ട് പരേതനായ വാസുവിൻ്റെ മകനാണ് മരിച്ച വിപിൻ (25). സഹോദരിയുടെ വിവാഹം ഞായറാഴ്ച നടക്കാനിരിക്കേയായിരുന്നു മരണം. സ്വകാര്യ ധനകാര്യ സ്ഥാപനത്തിൽ നിന്ന് വായ്പ ലഭിക്കുമെന്ന പ്രതീക്ഷയിൽ സ്വര്ണം വാങ്ങാനായി അമ്മ ബേബിയെ പുത്തൻപള്ളിയ്ക്ക് സമീപം എത്തിച്ച ശേഷം രണ്ട് ബന്ധുക്കളോട് അവിടേയ്ക്ക് വരാൻ വിപിൻ ഫോണിൽ അറിയിക്കുകയും ചെയ്തിരുന്നു. ബേബിയും ബന്ധുക്കളും കുറച്ചു സമയം കാത്തു നിന്നെങ്കിലും സ്വര്ണക്കടയിൽ കയറാതെ മടങ്ങുകയായിരുന്നു. തിരിച്ചെത്തിയപ്പോഴാണ് വിപിനെ മരിച്ച നിലയിൽ കണ്ടെത്തിയത്.
സംഭവദിവസം പുലര്ച്ചെ വിപിനും വിദ്യയും വിദ്യയെ വിവാഹം ചെയ്യാനിരുന്ന നിധിനും സുഹൃത്തുക്കളും ഉള്പ്പെടെ സേവ് ദ ഡേറ്റ് ചിത്രീകരിക്കാനായി കേച്ചേരിയിൽ പോയിരുന്ു. ഇതിനു ശേഷം രാവിലെ എട്ടരയോടെ നിധഇൻ കയ്പമംഗലത്തെ വീട്ടിലേയ്ക്ക് പോകുകയായിരുന്നു. വായ്പയെടുക്കാൻ പോകുന്ന കാര്യം വിപിൻ നിധിനോടു പറഞ്ഞിരുന്നു എന്നാണ് റിപ്പോര്ട്ടുകള്. സ്ത്രീധനമായി പണമോ സ്വര്ണമോ ആശ്യപ്പെട്ടിരുന്നില്ലെന്നും നിധിൻ പറഞ്ഞു. കഴിഞ്ഞ ഏപ്രിൽ മാസമാണ് നിധിൻ വിദേശത്തു നിന്ന് നാട്ടിലെത്തിയത്. തുടര്ന്ന് വീണ്ടും ജോലി ലഭിച്ചതിനാൽ ഷാര്ജയിലേയ്ക്ക് ജനുവരിയിൽ മടങ്ങാനിരിക്കുകയായിരുന്നു. ഇതിനു മുൻപായി വിവാഹം നടത്താനായിരുന്നു പദ്ധതി.
Also Read:
അതേസമയം, വിപിൻ ഏതൊക്കെ ബാങ്കുകളെയാണ് വായ്പയ്ക്കായി സമീപിച്ചത് എന്ന കാര്യത്തിൽ ബന്ധുക്കള്ക്കും സുഹൃത്തുക്കള്ക്കും വ്യക്തമായ ധാരണയില്ല. മൂന്ന് സെൻ്റിൽ താഴെ മാത്രമുള്ള സ്ഥലത്താണ് കുടുംബം താമസമിക്കുന്ന ഓടിട്ട വീടുള്ളത്. ഈ കാരണം കൊണ്ടാണ് പ്രധാന ബാങ്കുകള് പലരും വായ്പ നിഷേധിച്ചതെന്നാണ് വിവരം. ഏറ്റവും അവസാനമായി വായ്പ നിഷേധിച്ചത് ഏതു സ്ഥാപനമാണെന്നും വിവരമില്ല. വിപിൻ്റെ ആത്മഹത്യാക്കുറിപ്പും കണ്ടെടുത്തിട്ടില്ല. പോസ്റ്റ്മോര്ട്ടത്തിനു ശേഷം മൃതദേഹം ഇന്നലെ നടത്തറ കൊഴുക്കുള്ളി ഓർമക്കൂട് ശ്മശാനത്തിൽ സംസ്കരിച്ചു.
Also Read:
വിപിൻ്റെയും വിദ്യയുടെയും പിതാവ് വാസു മരപ്പണിക്കാരനായിരുന്നു. അഞ്ച് വര്ഷം മുൻപ് ഇദ്ദേഹം ഹൃദയാഘാതം വന്നു മരിക്കുകയായിരുന്നു. മരത്താക്കരയിലെ ഒരു കാര് ഷോറൂമിൽ ടെക്നീഷ്യനായി ജോലി ചെയ്യുകയായിരുന്നു വിപിൻ. മുൻപ് സൂപ്പര്മാര്ക്കറ്റിൽ സെയിൽസ്മാനായും വിപിൻ ജോലി ചെയ്തിട്ടുണ്ട്. തൃശൂര് സേവന മെഡിക്കൽസിലെ ക്യാഷ് വിഭാഗത്തിലാണ് വിദ്യയുടെ ജോലി. അമ്മ ബേബി അങ്കണവാടി ജീവനക്കാരിയാണ്.
