ജില്ലാ പഞ്ചായത്തുകളിലെ മൂന്ന് ബ്ലോക്ക് പഞ്ചായത്തുകളിലെ നാലും മുനിസിപ്പൽ കോർപറേഷനുകളിലെ രണ്ടും മുനിസിപ്പാലിറ്റികളിലെ മൂന്നും ഗ്രാമ പഞ്ചായത്തുകളിലെ ഇരുപതും വാർഡുകളിലാണ് ഉപതെരഞ്ഞെടുപ്പ് നടന്നത്.
പിറവം നഗരസഭ 14-ാം ഡിവിഷനിലേക്ക് നടന്ന ഉപതെരഞ്ഞെടുപ്പിൽ എൽഡിഎഫ് സ്ഥാനാർത്ഥി ഡോ.അജേഷ് മനോഹർ വിജയിച്ചു. അജേഷിന് 504 വോട്ടുകൾ ലഭിച്ചു. യുഡിഎഫ് സ്ഥാനാർത്ഥി അരുൺ കല്ലറക്കലിന് 478 വോട്ടുകളും, എൻഡിഎ സ്ഥാനാർഥി പി സി വിനോദിന് 6 വോട്ടും ലഭിച്ചു. 26 വോട്ടിൻ്റെ ഭൂരിപക്ഷത്തിലാണ് ഇടത് സ്ഥാനാർത്ഥിയുടെ വിജയം.
സിപിഎമ്മിലെ ബിന്ദു ശിവൻ കോൺഗ്രസിലെ പി ഡി മാർട്ടിനെ പരാജയപ്പെടുത്തിയതോടെ കൊച്ചി കോർപറേഷനിലെ ഗാന്ധിനഗർ വാർഡ് എൽഡിഎഫ് നിലനിർത്തി. കോട്ടയം കാണക്കാരി പഞ്ചായത്തിലെ കളരിപ്പടി വാർഡിൽ നടന്ന ഉപതെരഞ്ഞെടുപ്പിൽ സിപിഎമ്മിലെ വി ജി അനിൽകുമാറാണ് വിജയിച്ചത്. മാഞ്ഞൂർ പഞ്ചായത്തിലെ പന്ത്രണ്ടാം വാർഡായ മാഞ്ഞൂർ സെൻട്രലിൽ യുഡിഎഫ് സ്ഥാനാർഥി സുനു ജോർഡ് 252 വോട്ടിന് ജയിച്ച് സീറ്റ് നിലനിർത്തി. കാഞ്ഞങ്ങാട് നഗരസഭയിലെ ഒഴിഞ്ഞവളപ്പ് വാർഡിലെ ഉപതെരഞ്ഞെടുപ്പിൽ സ്ഥാനാർഥി കെ കെ ബാബു വിജയിച്ചു. എൽഡിഎഫ് സ്ഥാനാർഥി കെ വി സുഹാസിന് 116 വോട്ടുകൾ മാത്രമാണ് നേടാനായത്.
പൂക്കോട്ടൂ പഞ്ചായത്തിലെ ചീനിക്കൽ ഡിവിഷനിൽ യു ഡി എഫ് സ്ഥാനാർഥി അബ്ദുൾ സത്താർ വിജയിച്ചപ്പോൾ തലസ്ഥാന നഗരമായ തിരുവനന്തപുരം കോർപറേഷനിലെ വെട്ടുകാട് വാർഡിൽ 1490 വോട്ടുകളുടെ ഭൂരിപക്ഷത്തിൽ സി പി എം സ്ഥാനാർഥി ക്ലൈനസ് റൊസാരിയ വിജയിച്ചു. തേവലക്കര പഞ്ചായത്തിലെ നടുവിലക്കര വാർഡിൽ യു ഡി എഫ് സ്ഥാനാർഥി പ്രദീപ് കുമാർ വിജയിച്ചു. ഇടുക്കി ജില്ലയിലെ രാജാക്കാട് പഞ്ചായത്തിലെ കുരിശുപടി വാർഡിൽ യുഡിഎഫ് സ്ഥാനാർഥി പ്രിൻസ് തോമസ് വിജയിച്ചു. ഒങ്ങല്ലൂർ പഞ്ചായത്തിലെ എട്ടാം വാർഡിൽ സ്ഥാനാർഥി കെ അശോകൻ വിജയിച്ചു. എരുത്തും പതി പഞ്ചായത്തിലെ ഏഴാം വാർഡിൽ സിപിഎം വിജയിച്ചു. കോഴിക്കോട് കൂടരത്തി പഞ്ചായത്തിലെ കൂമ്പാറ വാർഡ് എൽഡിഎഫ് നിലനിർത്തിയപ്പോൾ പാലക്കാട് കുഴൽമന്ദം ബ്ലോക്ക് പഞ്ചായത്ത് ഡിവിഷനിൽ സിപിഎമ്മിലെ സോമദാസൻ വിജയിച്ചു. കോഴിക്കോട് ഉണ്ണികുളം പഞ്ചായത്തിലെ വള്ളിയോട് വാര്‍ഡ് യുഡിഎഫ് വിജയിച്ചു.
