മുന്നണി മാറ്റത്തെത്തുടർന്ന് ജോസ് കെ മാണി രാജിവെച്ച രാജ്യസഭാ സീറ്റിലേക്കായിരുന്നു ഉപതെരഞ്ഞെടുപ്പ് നടന്നത്. യുഡിഎഫിലായിരിക്കെ 2018ലാണ് ജോസ് കെ മാണിക്ക് രാജ്യസഭാ സീറ്റ് ലഭിച്ചത്. യുഡിഎഫ് വിട്ടതോടെ 2021 ജനുവരി 11 അദ്ദേഹം രാജി വെച്ചു.
Also Read :
ഈ സീറ്റിന്റെ കാലാവധി 2024 ജൂലായ് 1 വരെയുണ്ട്. മുന്നണി വിട്ട് വരുമ്പോഴുള്ള സീറ്റ് ആ പാർട്ടിയ്ക്ക് തന്നെ നൽകുന്ന പതിവ് തുടർന്നാണ് എൽഡിഎഫ് സീറ്റ് കേരളാ കോൺഗ്രസ് എമ്മിന് നൽകിയത്. ഉപതെരഞ്ഞെടുപ്പിൽ വിജയിച്ചതിന് പിന്നാലെ മുന്നണിയുടെ അടിത്തറ വിപുലപ്പെട്ടെന്നായിരുന്നു ജോസ് കെ മാണി പ്രതികരിച്ചത്. നിയമസഭാ തെരഞ്ഞെടുപ്പിന് ശേഷം ഇടതുപക്ഷ ജനാധിപത്യ മുന്നണിയുടെ അടിത്തറ ഇന്ന് വിപുലപ്പെട്ടു. ആയിരക്കണക്കിന് പ്രവർത്തകരാണ് മുന്നണിയുടെ ഭാഗമായതെന്നും അദ്ദേഹം പറഞ്ഞിരുന്നു.
Also Read :
രാജ്യസഭാ അംഗമായി സത്യപ്രതിജ്ഞ ചെയ്ത ജോസ് കെ മാണിയെ കേരളാ കോൺഗ്രസ് എം നേതാവും മന്ത്രിയുമായ റോഷി അഗസ്റ്റിൻ അഭിനന്ദിച്ചു. “രാജ്യസഭയില് കേരളത്തിന്റെ ശബ്ദം ഇനിയും ഉച്ചത്തില് മുഴങ്ങട്ടെ. കേരളാ കോണ്ഗ്രസ് എം ചെയര്മാന് ജോസ് കെ. മാണി രാജ്യസഭാംഗമായി സത്യപ്രതിജ്ഞ ചെയ്തു. ആശംസകള് പ്രിയപ്പെട്ട ചെയര്മാന്…” എന്നാണ് സത്യപതിജ്ഞയുടെ ചിത്രത്തിനൊപ്പം റോഷി അഗസ്റ്റിൻ ഫേസ്ബുക്കിൽ കുറിച്ചത്.
