Also Read:
ആലപ്പുഴ, തൃശൂര്‍, കോട്ടയം എന്നീ ജില്ലകളില്‍ ഈ പദ്ധതി ആരംഭിച്ചിട്ടുണ്ട്. മറ്റു ജില്ലകളില്‍ ഉടന്‍ തന്നെ ആരംഭിക്കും. പോലീസിന്റെ ക്രൈം ഡ്രൈവ് എന്ന മൊബൈല്‍ ആപ്പില്‍ സോഷ്യല്‍ പ്രൊഫൈലിങ് ചെക്ക് എന്ന ഓപ്ഷനില്‍ ക്ലിക്ക് ചെയ്യുമ്പോള്‍ ഓരോ പോലീസ് സ്‌റ്റേഷന്‍ പരിധിയിലെയും സ്ഥിരം കുറ്റവാളികളുടെ വിവരങ്ങള്‍ കാണാനാകും. ഈ ലിസ്റ്റില്‍ ഉള്ളവരുടെ വീട്ടില്‍ ദിവസവും രാത്രി 11 നും പുലര്‍ച്ചെ 4 നും മധ്യേ എത്തി അവരുടെ ഫോട്ടോ എടുത്ത് മൊബൈല്‍ ആപ്പിലൂടെ അതാത് ജില്ലാ പോലീസ് മേധാവിമാര്‍ക്ക് നല്‍കണമെന്നാണ് പുതിയ നിര്‍ദേശം.
രാത്രി സമയങ്ങളില്‍ പട്രോളിങ് നടത്തുന്ന പോലീസ് ഉദ്യോഗസ്ഥരാണ് ഈ പരിശോധന നടത്തേണ്ടത്. ക്രൈം ഡ്രൈവ് പട്ടികയില്‍ ഒന്നിലേറെ കേസുകളില്‍ പ്രതിയായവരാണ് ഉണ്ടാകുക. പോലീസ് എത്തുമ്പോള്‍ വീട്ടില്‍ ഇല്ലാത്തവരുടെ വിവരങ്ങള്‍ ഉടന്‍ തന്നെ ജില്ലാ പോലീസ് മേധാവിയെ അറിയിക്കണം.
Also Read:
ഭൂരിഭാഗം പോലീസ് സ്‌റ്റേഷനുകളിലും രാത്രി പട്രോളിങിന് 2 പോലീസുകാരെ ഉണ്ടാകൂ. കുറ്റവാളികളുടെ വീട്ടില്‍ രണ്ട് പേര്‍ മാത്രം എത്തുന്നത് സുരക്ഷിതമല്ലെന്ന തോന്നല്‍ നിലനില്‍ക്കെ രാത്രി പട്രോളിങ്ങിന് തയ്യാറാകാത്തവരോട് മേലുദ്യോഗസ്ഥര്‍ വിശദീകരണം ആവശ്യപ്പെടുന്നുണ്ട്. അതേസമയം, ഈ സമയങ്ങളില്‍ വീടുകളിലെത്തി വിളിച്ചുണര്‍ത്തി ചിത്രങ്ങളെടുക്കുന്നത് സ്വകാര്യതയുടെയും മനുഷ്യാവകാശങ്ങളുടെയും ലംഘനമാണെന്ന വിമര്‍ശനം ഉണ്ട്.
