കേരള ചരിത്രത്തിൽ ഇതാദ്യമായിട്ടാകും ഒരു പോലീസ് സ്റ്റേഷന്‍റെ മുന്നിൽ എംപിയും എംഎൽഎയും ഉൾപ്പെടെയുള്ളവർ 50 മണിക്കൂർ കുത്തിയിരിപ്പ് സമരം നടത്തുന്നതെന്നും അൻവർ സാദത്ത് എംഎൽഎ പറയുന്നു. പ്രതിഷേധത്തെ സോഷ്യൽ മീഡിയയിലൂടെ പഴംപൊരി സമരം എന്ന് വിളിച്ചത് സമരത്തെ താറടിച്ചു കാണിക്കുന്നതിനായിരുന്നു ചിലർ ശ്രമിച്ചത്. തങ്ങൾ നടത്തിയത് നിരാഹാര സമരമായിരുന്നില്ലെന്നത് മനസിലാക്കണം എന്നും എംഎൽഎ കൂട്ടിച്ചേർത്തു.
Also Read :
നാട്ടുകാരുടെ മനസും സമരത്തിനൊപ്പമായിരുന്നെന്നും അൻവർ സാദത്ത് എംഎൽഎ പറയുന്നു. കോൺഗ്രസ് സംഘടനാ സംവിധാനം എത്രത്തോളം ശക്തമാണ് എന്നു കാണിക്കുന്നതായിരുന്നു കഴിഞ്ഞ ദിവസമുണ്ടായ സമരം. ജനപ്രതിനിധികളും നേതാക്കാളും ഒരുമിച്ച് നിന്നാണ് ഇത് വിജയിപ്പിച്ചതെന്നും അദ്ദേഹം ചൂണ്ടിക്കാട്ടി.
Also Read :
രാഷ്ട്രീയ വ്യത്യാസമില്ലാതെയാണ് പൊതുസമൂഹം സമരത്തിന് പിന്തുണ പ്രഖ്യാപിച്ചത്. ഡി വൈ എഫ് ഐക്കാരും സി പി എമ്മുകാരും പോലും മോഫിയയ്ക്കു നീതി ആവശ്യപ്പെട്ട് സമൂഹമാധ്യമങ്ങളിൽ സ്റ്റാറ്റസ് ഇട്ടെന്നും പറഞ്ഞ എംഎൽഎ, കോട്ടയത്തെ ഒരു സിപിഎം നേതാവ് പോലും തന്നെ വിളിച്ച് സമരത്തിന് പിന്തുണ നൽകുന്നെന്ന് അറിയിച്ചെന്നും അൻവർ സാദത്ത് അവകാശപ്പെട്ടു.
