Also Read :
ഇന്ന് രാവിലെ മോഫിയയുടെ കുടുംബവുമായി മുഖ്യമന്ത്രി സംസാരിച്ചിരുന്നു. ഇതിന് പിന്നാലെയാണ് നടപടിയുണ്ടായിരിക്കുന്നത്. സിഐക്കെതിരെ നടപടിയുണ്ടാകുമെന്ന് മുഖ്യമന്ത്രി ഉറപ്പ് നൽകിയതായി നേരത്തെ മോഫിയയുടെ പിതാവ് മാധ്യമങ്ങളോട് പറഞ്ഞിരുന്നു. സിഐക്കെതിരെ നരഹത്യക്ക് കേസെടുക്കണമെന്ന് മോഫിയയുടെ പിതാവ് പറഞ്ഞു.
സിഐക്കെതിരെ വകുപ്പ് തല അന്വേഷണവും പ്രഖ്യാപിച്ചിട്ടുണ്ട്. കൊച്ചി ഈസ്റ്റ് ട്രാഫിക് എസ്പിക്ക് അന്വേഷണ ചുമതല.
സിഐക്കെതിരെ നടപടി ആവശ്യപ്പെട്ട് കോൺഗ്രസ് ജനപ്രതിനിധികള്‍ പോലീസ് സ്റ്റേഷനിൽ സമരം നടത്തി വരികയായിരുന്നു. സിഐയെ സസ്പെന്റ് ചെയ്ത സാഹചര്യത്തിൽ ബെന്നി ബഹന്നാന്‍ എംപി, എംഎല്‍എമാരായ അന്‍വര്‍ സാദത്ത്, റോജി എം ജോണ്‍ എന്നിവരുടെ സമരം അവസാനിപ്പിച്ചു. അതിനിടെ, പ്രതികളെ കസ്റ്റഡിയില്‍ ആവശ്യപ്പെട്ടുള്ള പൊലീസിന്റെ ഹര്‍ജി കോടതി ഇന്ന് പരിഗണിക്കും.
Also Read :
ഭര്‍ത്താവിൽ നിന്നും പീഡനത്തിന് ഇരയാകുന്നുവെന്ന് പരാതി നൽകിയ മോഫിയയെ സി ഐ സ്റ്റേഷനിൽ വച്ച് അപമാനിക്കുകയായിരുന്നുവെന്നാണ് പ്രധാന ആരോപണം. സ്റ്റേഷനിൽ നിന്നും തിരികെ വീട്ടിലെത്തിയ പെൺകുട്ടി ആത്മഹത്യ ചെയ്യുകയായിരുന്നു. ആത്മഹത്യാക്കുറിപ്പിൽ സിഐക്കും ഭര്‍ത്താവ് സുഹൈലിനും ഭര്‍തൃ മാതാപിതാക്കള്‍ക്കുമെതിരെ ആരോപണമുയര്‍ന്നിരുന്നു.
മുഖ്യമന്ത്രിയുടെ ഉറപ്പിൽ ആശ്വാസമുണ്ടെന്നാണ് മോഫിയയുടെ പിതാവ് ദിൽഷാദ് പറഞ്ഞിരുന്നു. നോഫിയയുടെ അമ്മയും മുഖ്യമന്ത്രിയുടെ ഉറപ്പിൽ പ്രതീക്ഷയുണ്ടെന്ന് പ്രതികരിച്ചു. കുറ്റക്കാരെ സംരക്ഷിക്കുന്ന നടപടി സർക്കാരിന്റെ ഭാഗത്ത് നിന്നുണ്ടാകില്ലെന്ന് മന്ത്രി പി രാജീവ് വ്യക്തമാക്കി.
Also Read :
സര്ക്കാര് മുട്ടുമടക്കിയെന്ന് വി ഡി സതീശൻ. സസ്പെൻഷൻ കോൺഗ്രസ് സമരത്തിന്റെ വിജയം. സിഐ സുധീറിനെ സംരക്ഷിച്ചത് സിപിഎം എന്നും പ്രതിപക്ഷ നേതാവ്. കേരളത്തിൽ എവിടെ ഇത്തരത്തിൽ സംഭവമുണ്ടായാലും അവരുടെ സംരക്ഷണത്തിനായി കോൺഗ്രസ് ഉണ്ടാകുമെന്ന് പ്രതിപക്ഷ നേതാവ് വിഡി സതീശൻ പറഞ്ഞു. എല്ലാ ക്രിമിനലുകളുടേയും മുന്നിൽ പാര്‍ട്ടിയുടെ നേതാക്കളുണ്ടെന്നും പ്രതിപക്ഷ നേതാവ് ആരോപിച്ചു. മോഫിയക്ക് നീതി ലഭിച്ചതിൽ സന്തോഷമെന്ന് സമരം നടത്തിയ കോൺഗ്രസ് നേതാക്കള്‍ പറഞ്ഞു.
