തുടക്കം 1950 കളിൽ:
1950 – 60 കളിൽ യു.എസിലാണ് ഈ വാക്കുകൾ ആദ്യമായി ഉപയോഗിച്ചു തുടങ്ങിയത്. ഈ ദിവസം ഷോപ്പിങ്ങിനായി നിരവധി ആളുകൾ എത്തുന്നതിനാൽ പോലീസിന് ജനങ്ങളെ നിയന്ത്രിയ്ക്കുക എന്നത് യഥാർത്ഥത്തിൽ ദുഷ്കരമായ ജോലിയായിരുന്നു. അതിനെ സൂചിപ്പിക്കാൻ പോലീസ് ഉദ്യോഗസ്ഥരാണ് ഈ വാക്ക് ആദ്യമായി ഉപയോഗിക്കാൻ തുടങ്ങിയത് എന്നാണ് കരുതുന്നത്.
ബ്ലാക്ക് ശുഭ സൂചനയാണോ?
1980 കളിൽ ആണ് വ്യാപാരികൾക്ക് ഈ ദിവസം ഏറ്റവും മികച്ചതായി മാറിയത്. വർഷത്തിൽ ഏറ്റവും കൂടുതൽ വ്യാപാരം നടക്കുന്നതും ലാഭം കൊയ്യുന്നതുമായ ദിനമായി ഇത് മാറി. എല്ലാവരും ഈ ദിനം കാത്തിരിയ്ക്കുന്ന അവസ്ഥയിലെത്തി. വലിയ ലാഭം നൽകുന്ന ഈ ദിനത്തെ വ്യാപാരികളും ബ്ലാക്ക് ഫ്രൈഡേ എന്ന് സ്നേഹത്തോടെ വിളിയ്ക്കാൻ തുടങ്ങി. ബ്ലാക്ക് എന്നത് എല്ലാവര്ക്കും അശുഭ നിറമാകുമ്പോൾ വ്യാപാരികൾക്ക് മറിച്ചാണ്. ലാഭം സൂചിപ്പിക്കാനായി കറുപ്പ് നിറത്തിലുള്ള മഷിയാണ് അവർ ഉപയോഗിക്കുന്നത്, നഷ്ടം ചുവപ്പ് നിറത്തിലും. അതിനാലാണ് ലാഭം കൊണ്ടുവരുന്ന ഈ ദിനത്തെ അവർ ബ്ലാക്ക് ഫ്രൈഡേ എന്ന് നിസംശയം വിളിച്ചത്.
എങ്കിൽ എന്താണ് സൈബർ മൺഡേ?
താങ്ക്സ് ഗിവിംഗ് ചടങ്ങിന് ശേഷമുള്ള വെള്ളിയാഴ്ച എല്ലാവർക്കും ഷോപ്പിംഗ്‌ നടത്താൻ കഴിയണമെന്നില്ല, അതിനാൽ ഇത്തരം ആളുകൾക്കായി അതിനു ശേഷമുള്ള തിങ്കളാഴ്ച ഓൺലൈൻ വ്യാപാരം നടത്താൻ അവസരം നൽകാൻ തുടങ്ങി. 2000 ത്തിന് ശേഷമാണ് ഈ പ്രവണത ആരംഭിച്ചത്. ഈ ദിവസങ്ങളിൽ കടകളിൽ നേരിട്ടെത്തി സാധനങ്ങൾ വാങ്ങാൻ കഴിയാത്തവർ ഓൺലൈൻ വ്യാപാരത്തിന്റെ സാധ്യതകൾ പ്രയോജനപ്പെടുത്തുകയും ചെയ്തു. വ്യാപാരികൾ ഈ ദിവസങ്ങളിൽ വലിയ ഓഫറുകൾ നൽകുകയും ചെയ്യുന്നുണ്ട്. ഡിജിറ്റൽ മാർഗങ്ങളിലൂടെ ഈ ദിവസം വലിയ തോതിലുള്ള വ്യാപാരം നടക്കുകയും ലാഭമുണ്ടാക്കാൻ സാധിക്കുകയും ചെയ്യും. ഇതാണ് സൈബർ മൺഡേ.
ഇന്ത്യയിൽ:
ബ്ലാക്ക് ഫ്രൈഡേ, സൈബർ മൺഡേ എന്നിവ ഇന്ത്യയിൽ അത്ര പരിചിതമായ കാര്യങ്ങളല്ല. എന്നാൽ ഓൺലൈൻ ഷോപ്പിംഗ്‌ സൈറ്റുകൾ കഴിഞ്ഞ കുറച്ച് വർഷങ്ങളായി ഈ രീതി രാജ്യത്തെ ഉപഭോക്താക്കൾക്ക് പരിചയപ്പെടുത്താനായി ശ്രമിക്കുന്നുണ്ട്. ഇതിൻറെ ഭാഗമായി നിരവധി ഓഫറുകളും മറ്റും നൽകുന്ന ഓൺലൈൻ സൈറ്റുകളുമുണ്ട്.
