Also Read:
വിദ്യാഭ്യാസമന്ത്രി വി ശിവൻകുട്ടിയുടെ അധ്യക്ഷതയിൽ ചേര്‍ന്ന യോഗത്തിൽ സ്കൂള്‍ സമയക്രമം പരിഷ്കരിക്കുന്ന കാര്യം ചര്‍ച്ചയായതായി മാതൃഭൂമി ന്യൂസ് റിപ്പോര്‍ട്ട് ചെയ്തു. വെള്ളിയാഴ്ചയും ഇതു സംബന്ധിച്ച് കൂടുതൽ ചര്‍ച്ചകള്‍ നടക്കും. നിലവിൽ സംസ്ഥാനത്തെ സ്കൂളുകള്‍ കൊവിഡ് 19 മഹാമാരി സൃഷ്ടിച്ച രണ്ട് വര്‍ഷത്തെ ഇടവേളയ്ക്ക് ശേഷം തുറന്നപ്പോള്‍ ഉച്ചവരെ മാത്രമാണ് അധ്യയനം നടക്കുന്നത്. കുട്ടികള്‍ തമ്മിൽ ഇടപഴകുന്നത് കുറയ്ക്കാനും രോഗവ്യാപന സാധ്യത ചുരുക്കാനുമായി നിരവധി കരുതൽ നടപടികളും സ്വീകരിക്കുന്നുണ്ട്. ഈ സാഹചര്യത്തിൽ വിദഗ്ധരുടെ അഭിപ്രായം കൂടി പരിഗണിച്ച ശേഷമായിരിക്കും ക്ലാസുകള്‍ നീട്ടുന്ന കാര്യം തീരുമാനിക്കുക.
Also Read:
അതേസമയം, പ്ലസ് വൺ സീറ്റുക്ഷാമം പരിഹരിക്കാൻ താത്കാലിക ബാച്ചുകള്‍ തുടങ്ങാനുള്ള നീക്കത്തിലാണ് വിദ്യാഭ്യാസ വകുപ്പ്. ഏഴു ജില്ലകളിലായി 65ഓളം താത്കാലിക ബാച്ചുകള്‍ അനുവദിക്കുന്നതു സംബന്ധിച്ച് ഹയര്‍ സെക്കണ്ടറി വിഭാഗം നിര്‍ദേശം മുന്നോട്ടു വെച്ചു. മലപ്പുറം, പാലക്കാട്, കോഴിക്കോട് ജില്ലകളിലും തൃശൂര്‍, വയനാട്, കണ്ണൂര്‍, കാസര്‍കോട് ജില്ലകളിലെ ചില താലൂക്കുകളിലുമാണ് അധിക ബാച്ചുകള്‍ ആവശ്യമായി വരിക.
