ആർഎസ്‌എസ്‌ പ്രവർത്തകൻ സഞ്ജിത്തിന്റെ കൊലപാതകം : 3 പേർ പിടിയിൽ

പാലക്കാട്> പാലക്കാട് ആർഎസ്എസ് പ്രവർത്തകൻ സഞ്ജിത്തിനെ വെട്ടിക്കൊലപ്പെടുത്തിയ സംഭവത്തിൽ 3 പേർ പിടിയിൽ.പാലക്കാട് സ്വദേശി സുബൈർ, നെന്മാറ സ്വദേശികളായ സലാം, ഇസ്ഹാക്ക് എന്നിവരാണ് കസ്റ്റഡിയിലുള്ളത്.

മുണ്ടക്കയത്തെ ബേക്കറി തൊഴിലാളിയാണ് സുബൈർ. സുബൈറിന്റെ മുറിയിൽനിന്നാണ് മറ്റുള്ളവരെ പിടികൂടിയത്. എസ്ഡിപിഐ പ്രവർത്തകരാണ് കൊലക്ക് പിന്നിലെന്ന് ആരോപിച്ചിരുന്നു.

എലപ്പുള്ളി സ്വദേശി സഞ്ജിത് (27) ഭാര്യക്കൊപ്പം ബൈക്കിൽ സഞ്ചരിക്കുമ്പോൾ തടഞ്ഞുനിർത്തി വെട്ടിക്കൊല്ലുകയായിരുന്നു.15ന് രാവിലെ 9 മണിയോടെയാണ് സംഭവം. ബൈക്കിൽ വരുമ്പോൾ കാറിലെത്തിയ സംഘം സഞ്ജിത്തിനെ ഇടിച്ചു വീഴ്ത്തുകയും, ശേഷം വെട്ടിക്കൊല്ലുകയായിരുന്നു. സഞ്ജിത് നിരവധി ക്രിമിനൽ കേസുകളിൽ പ്രതിയാണ്.