Also Read:
അടിമാലി ഇരുമ്പുപാലത്തെ ഒരു പള്ളിയ്ക്ക് സമീപം കഴിഞ്ഞ ചൊവ്വാഴ്ചയാണ് സംഭവം. തിരിഞ്ഞു നില്‍ക്കുന്ന യുവാവിന്റെ അടുത്തെത്തി ഷീബ മുഖത്തേക്ക് ആസിഡ് ഒഴിക്കുകയായിരുന്നു. തുടര്‍ന്ന്, ഷീബ നടന്നുപോകുന്നതായും ദൃശ്യങ്ങളില്‍ കാണാം. യുവാവിനൊപ്പം ഉണ്ടായിരുന്ന സുഹൃത്തുക്കള്‍ ഇയാളെ അടിമാലിയിലെ ആശുപത്രിയില്‍ എത്തിക്കുകയായിരുന്നു. തുടര്‍ ചികിത്സയ്ക്കായി ഇയാളെ തിരുവനന്തപുരം മെഡിക്കല്‍ കോളജിലേക്ക് മാറ്റി.
യുവാവും ഷീബയും സമൂഹമാധ്യമങ്ങളിലൂടെയാണ് പരിചയപ്പെട്ടത്. പിന്നീട്, ഇത് പ്രണയത്തിലേക്ക് എത്തുകയായിരുന്നു. പിന്നീട് ഷീബ വിവാഹിതയും രണ്ട് കുട്ടികളുടെ മാതാവുമാണെന്ന് തിരിച്ചറിഞ്ഞതോടെ യുവാവ് പ്രണയത്തില്‍ നിന്ന് പിന്മാറുകയായിരുന്നു. വിവാഹം കഴിക്കണമെന്ന ആവശ്യവുമായി ഷീബ നിരന്തരം യുവാവിനെ സമീപിച്ചിരുന്നു.
പിന്നീട് രണ്ടു ലക്ഷം രൂപ നല്‍കണമെന്ന് ഷീബ ഭീഷണിപ്പെടുത്തുകയും ചെയ്തിരുന്നു. ഇതുമായി ബന്ധപ്പെട്ട കാര്യങ്ങള്‍ സംസാരിക്കാനായി യുവാവിനെ അടിമാലിയിലേക്ക് വിളിച്ചുവരുത്തുകയായിരുന്നു. ഇതിനിടെയിലാണ് ആസിഡ് ആക്രമണം നടന്നത്. യുവാവിന്റെ മൊഴി പോലീസ് രേഖപ്പെടുത്തി.
Also Read:
ഭര്‍ത്താവിന്റെ വീട്ടില്‍ നിന്ന് ഷീബയെ പോലീസ് കസ്റ്റഡിയിലെടുത്തു. കയ്യില്‍ ആസിഡ് വീണ് ഇവര്‍ക്കും പരിക്കേറ്റിട്ടുണ്ട്. റബ്ബര്‍ ഉറയൊഴിക്കുമ്പോള്‍ ഉപയോഗിക്കുന്ന ആസിഡാണ് യുവാവിന്റെ മുഖത്ത് ഒഴിച്ചതെന്ന് പോലീസ് പറഞ്ഞു.
