Also Read:
ആധുനിക രീതിയിലുള്ള പുത്തന്‍ ട്രെയിന്‍ കോച്ചുകളിലാണ് യാത്ര ചെയ്യുന്നതെങ്കില്‍ പുകവലിച്ചാല്‍ ഇനി നാട്ടുകാര്‍ മുഴുവന്‍ അറിയും. പിന്നാലെ നടപടികളും നേരിടേണ്ടി വരും.
എച്ച് എല്‍ ബി റേക്കുകളുള്ള എ സി കോച്ചുനുള്ളില്‍ കഴിഞ്ഞ ദിവസം യാത്രക്കാരന്‍ പുകവലിച്ചതിനെ തുടര്‍ന്ന് നേത്രാവതി എക്‌സ്പ്രസ് തിരൂരില്‍ നിന്നു. തീയോ പുകയോ ഉയര്‍ന്നത് കൊണ്ടാണ് ട്രെയിന്‍ പെട്ടെന്ന് നിന്നതെന്ന് മനസ്സിലായി. തുടര്‍ന്ന്, ട്രെയിന്‍ മുഴുവന്‍ വിശദമായ പരിശോധന അധികൃതര്‍ നടത്തിയെങ്കിലും എവിടെയും തീയും പുകയും കണ്ടെത്താനായില്ല.
പിന്നീടാണ് സംഭവം മനസ്സിലായത്. തീയും പുകയും കണ്ടെത്തുന്ന ഡിറ്റക്ടറിന് സമീപത്ത് നിന്ന് ആരോ പുകച്ചതാണെന്ന് തിരിച്ചറിയുകയായിരുന്നു. പുകയും തീയും തിരിച്ചറിയുന്ന സംവിധാനം നിലവില്‍ എച്ച് എല്‍ ബി റേക്കുകളുള്ള എല്ലാ എ സി കോച്ചുകളിലും റെയില്‍വെ ഘടിപ്പിച്ചിട്ടുണ്ട്. ഈ സംവിധാനം പുകവലിക്കുന്നവര്‍ക്ക് ഹാനികരമാകുമെന്നാണ് വിലയിരുത്തല്‍.
Also Read:
റെയില്‍വെ സ്റ്റേഷനുകളിലും സമാനമായ സംവിധാനം ഏര്‍പ്പാടാക്കി വരുന്നുണ്ട്. പ്രധാനപ്പെട്ട റെയില്‍വെ സ്റ്റേഷനുകളില്‍ ഇതിനോടകം ഡിറ്റക്ടറുകള്‍ പ്രവര്‍ത്തിച്ചു തുടങ്ങി.
