മലപ്പുറം: നിർത്തിയിട്ട കാർ പിറകോട്ട് നീങ്ങി റോഡിലേക്കിറങ്ങി ഓട്ടോറിക്ഷയെ ഇടിച്ചുതെറിപ്പിച്ചു. അപകടത്തിൽ ഓട്ടോ യാത്രക്കാരായ മൂന്നുപേർക്ക് പരിക്കേറ്റു. വണ്ടൂർ നടുവത്താണ് സംഭവം.
റോഡരികിലെ കെട്ടിടത്തോട് ചേർന്ന് നിർത്തിയിട്ടിരുന്ന കാറാണ് ഡ്രൈവറില്ലാതെ പിറകോട്ട് നീങ്ങി റോഡിലെത്തിയത്. തുടർന്ന് പ്രധാനറോഡിലൂടെ വരികയായിരുന്ന ഓട്ടോയെ ഇടിച്ചുതെറിപ്പിക്കുകയായിരുന്നു. ഓട്ടോ റോഡിൽ മറിഞ്ഞുവീണു. യാത്രക്കാരായ ചന്തക്കുന്ന് സ്വദേശി കൊളപ്പുറത്ത് അബൂബക്കർ, മുഹമ്മദ് റിബിൻ, സാജിദ എന്നിവർക്കാണ് പരിക്കേറ്റത്. നിലമ്പൂരിൽനിന്ന് വണ്ടൂർ ഭാഗത്തേക്ക് പോവുകയായിരുന്നു ഓട്ടോയിലെ യാത്രക്കാർ.
Content Highlights:malappuram wandoor car accident video
