കൊവിഡ് കാലത്ത് ജോലി പോലുമില്ലാതെ ആളുകൾ വീട്ടിലിരുന്ന കാലത്താണ് റേഷൻ കടകൾ വഴിയുള്ള കിറ്റ് വിതരണം സർക്കാർ ആരംഭിച്ചത്. ജനങ്ങൾക്ക് ഇപ്പോൾ ജോലി ചെയ്യാനുള്ള സാഹചര്യമുണ്ട്. പച്ചക്കറിയുടെയും മറ്റ് നിത്യോപയോഗ സാധനങ്ങളുടെയും വില വർധിച്ചത് സർക്കാർ ഗൗരവത്തോടെയാണ് കാണുന്നത്. സാധ്യമായ എല്ലാ വിപണി ഇടപെടലുകളും സർക്കാർ നടത്തുമെന്നും മന്ത്രി വ്യക്തമാക്കി.
കേരളത്തിലെ പൊതുമാർക്കറ്റിൽ സർക്കാർ മികച്ച രീതിയിൽ ഇടപെടുന്നുണ്ട്. സംസ്ഥാനത്തെ സപ്ലൈക്കോ വഴിയും കൺസ്യൂമർഫെഡ് മുഖേനെയും ന്യായ വിലയ്ക്ക് സാധനങ്ങൾ ലഭ്യമാക്കുന്നുണ്ട്. പച്ചക്കറിയുടെയും മറ്റ് നിത്യോപസാധനങ്ങളുടെയും വില വർധിച്ച സാഹചര്യത്തെ ഗൗരവത്തോടെയാണ് സർക്കാർ കാണുന്നത്. വിപണിയിൽ സാധ്യമായ എല്ലാ ഇടപെടലുകളും നടത്തുമെന്നും മന്ത്രി വ്യക്തമാക്കി.
ആന്ധ്രയിൽ നിന്നുള്ള ഉത്പന്നങ്ങൾ കേരളത്തിൽ വില കുറച്ച് വിതരണം ചെയ്യാനുള്ള ശ്രമം നടത്തുന്നുണ്ട്. രാജ്യമൊട്ടാകെയുള്ള വിലക്കയറ്റം കേരളത്തെ ബാധിക്കാതിരിക്കാൻ വേണ്ടതെല്ലാം സംസ്ഥാന സർക്കാർ ചെയ്യുന്നുണ്ട്. വിലക്കയറ്റത്തിൻ്റെ സാഹചര്യത്തിൽ റേഷൻ കടകളിലൂടെയുള്ള കിറ്റ് വിതരണം നടത്താൻ സാധിക്കില്ലെന്നും ഭക്ഷ്യമന്ത്രി ജി ആർ അനിൽ പറഞ്ഞു.
