കരുനാഗപ്പള്ളി > യുവതിയെ കരുനാഗപ്പള്ളി റെയിൽവേ സ്റ്റേഷൻ പ്ലാറ്റ്ഫോമിൽ വീണുപരിക്കേറ്റ നിലയിൽ കണ്ടെത്തി. തെങ്ങമം, കൊല്ലായിൽ ശിൽപ്പാലയത്തിൽ മോഹനന്റെ മകൾ ശിൽപ്പ (18) യ്ക്കാണ് പരിക്കേറ്റത്.
ചൊവ്വ വൈകിട്ട് നാലോടെ കുർള എക്സ്പ്രസ് കടന്നുപോയശേഷമാണ് പെൺകുട്ടി വീണുകിടക്കുന്നത് കണ്ടത്. ട്രെയിനിൽനിന്ന് വീണതാകാമെന്ന് സംശയിക്കുന്നു. കരുനാഗപ്പള്ളിയിൽ നിന്ന് അഗ്നിരക്ഷാ സേനയെത്തി പെൺകുട്ടിയെ താലൂക്കാശുപത്രിയിലെത്തിച്ചു. പിന്നീട് ആലപ്പുഴ മെഡിക്കൽ കോളേജ് ആശുപത്രിയിലേക്ക് മാറ്റി.
