ജോജുവിനെതിരായ സമരം സിനിമാ മേഖലയാകെ പടർത്തരുത് സിനിമ സർഗാത്മക പ്രവർത്തനമാണ് ഈ വ്യവസായത്തെ തടയുന്ന രീതി ശരിയല്ലെന്ന് കെ പി സി സി അധ്യക്ഷൻ യോഗത്തിൽ പറഞ്ഞെന്നാണ് റിപ്പോർട്ട്. ഇക്കാര്യം യൂത്ത് കോൺഗ്രസിനെ അറിയിക്കാനും നേതൃ യോഗത്തിൽ തീരുമാനം ആയിട്ടുണ്ട്.
Also Read :
അതേസമയം ജോജുവിനെതിരെ യൂത്ത് കോൺഗ്രസിന്‍റെ പ്രതിഷേധം തുടരുകയാണ്. ജോജുവിന്‍റെ സ്റ്റാർ എന്ന ചിത്രം പ്രദർശിപ്പിച്ചിരുന്ന എറണാകുളത്തെ ഷേണായീസ് തിയറ്റിലേക്ക് ഇന്ന് യൂത്ത് കോൺഗ്രസ് പ്രവർത്തകർ പ്രകടനം നടത്തി. ജോജുവിന്‍റെ ചിത്രം പതിച്ച റീത്തുമായെത്തിയ സംഘം തിയേറ്ററിന് മുന്നില് റീത്ത് വെക്കുകയും ചെയ്തു.
എറണാകുളം ജില്ലയില്‍ ജനത്തെ ബുദ്ധിമുട്ടിച്ചുള്ള സിനിമാ ചിത്രീകരണങ്ങളൊന്നും അനുവദിക്കില്ലെന്ന് യൂത്ത് കോണ്‍ഗ്രസ് ജില്ലാ പ്രസിഡന്‍റ് ടിറ്റോ ആന്‍റണി പറഞ്ഞു. ജനങ്ങളുടെ സഞ്ചാര സ്വാതന്ത്ര്യം തടസ്സപ്പെടുത്തിയും ഗതാഗതം തടഞ്ഞും സർക്കാർ ഓഫീസുകൾ ഉൾപ്പെടെയുള്ള സ്ഥാപനങ്ങളുടെ പ്രവർത്തനം തടസ്സപ്പെടുത്തിക്കൊണ്ടുമുള്ള സിനിമാ ചിത്രീകരണം ജില്ലയിൽ അനുവദിക്കില്ലെന്നും യൂത്ത് കോൺഗ്രസ് നേരത്തെ പ്രസ്താവന ഇറക്കിയിരുന്നു. ഈ സാഹചര്യത്തിൽ കൂടിയാണ് കെ പി സി സി നേതൃത്വത്തിന്‍റെ പ്രതികരണം വന്നിരിക്കുന്നത്.
Also Read :
ഇന്ധന വിലവർധനക്കെതിരെ സമരം ശക്തമായി തുടരാനും കെപി സി സി യോഗത്തിൽ തീരുമാനമായിട്ടുണ്ട്. അടുത്ത ഘട്ടമായി സെക്രട്ടറിയേറ്റ് മുതൽ രാജ്ഭവൻ വരെ മനുഷ്യച്ചങ്ങല തീർക്കാനാണ് തീരുമാനം. സമരത്തിന് പൂർണ്ണ പിന്തുണ നൽകുമെന്ന് പ്രതിപക്ഷ നേതാവ് വി ഡി സതീശൻ യോഗത്തെ അറിയിച്ചതായി റിപ്പോർട്ട് പറയുന്നു.
