Also Read:
ഇരട്ടസഹോദരിമാര്‍ സഹപാഠികളായ രണ്ട് ആണ്‍കുട്ടികളുമായി പരസ്പരം ഇഷ്ടത്തിലായിരുന്നെന്നും വീട്ടുകാര്‍ എതിര്‍ത്തതോടെ വീട് വീട്ടിറങ്ങുകയായിരുന്നെന്നുമാണ് കുട്ടികള്‍ കോയമ്പത്തൂര്‍ ആര്‍പിഎഫിനോട് വെളിപ്പെടുത്തിയത്. പോലീസ് പിടികൂടുമ്പോള്‍ കുട്ടികളുടെ കൈവശം 9,100 രൂപയും 40,000 രൂപ വിലമതിക്കുന്ന ആഭരണങ്ങളും ഉണ്ടായിരുന്നതായി കോയമ്പത്തൂര്‍ ആര്‍പിഎഫ് വ്യക്തമാക്കി.
കുട്ടികള്‍ വീടുവിട്ട് പോയത് ഗെയിം കളിക്കാനെന്ന് ആയിരുന്നു കേരള പോലീസ് നേരത്തെ വിശദീകരിച്ചത്. ഫ്രീ ഫയര്‍ മൊബൈല്‍ ഗെയിം നാല് പേരെയും സ്വാധീനിച്ചിരുന്നെന്നും നാല് പേരും ഗെയിമില്‍ ഒരു സ്‌ക്വാഡ് ആയിരുന്നെന്നുമാണ് മറ്റ് സഹപാഠികളെ ചോദ്യം ചെയ്ത ശേഷം പോലീസിന് ലഭിച്ച വിവരം. എന്നാല്‍, തങ്ങള്‍ പ്രണയത്തില്‍ ആയിരുന്നെന്ന് കുട്ടികള്‍ മൊഴി നല്‍കുകയായിരുന്നു.
നാലുപേരും ആദ്യം പൊള്ളിച്ചിയ്ക്കാണ് പോയത്. പിന്നീട് ഊട്ടിയിലെത്തിയ ഇവര്‍ ബസ് സ്റ്റാന്റിന് സമീപം ലോഡ്ജില്‍ മുറിയെടുത്ത് താമസിച്ചു. തിങ്കളാഴ്ച ഊട്ടിയില്‍ നിന്നാണ് നാല് പേരും കോയമ്പത്തൂര്‍ റെയില്‍വെ സ്റ്റേഷനിലെത്തിയത്.
നേരത്തെ, പാലക്കാട് ബസ് സ്റ്റാന്റിലെ സിസിടിവികളില്‍ നിന്ന് നാലു പേരുടെയും ദൃശ്യങ്ങള്‍ കണ്ടെത്തിയിരുന്നു. ഗോപാലപുരം വഴി തമിഴ്നാട്ടിലേക്ക് പോയെന്ന വിവരം ലഭിച്ചതോടെ തമിഴ്നാട്ടിലെ വിവിധ സ്ഥലങ്ങളില്‍ തിരച്ചില്‍ നടത്തിയിരുന്നു. പൊള്ളാച്ചിയില്‍ നിന്നും കുട്ടികളുടെ സിസിടിവി ദൃശ്യങ്ങള്‍ പോലീസ് കണ്ടെത്തി. പിന്നാലെ, പൊള്ളാച്ചി, കോയമ്പത്തൂര്‍ മേഖലകള്‍ കേന്ദ്രീകരിച്ച് തിരച്ചില്‍ ഊര്‍ജ്ജിതമാക്കിയിരുന്നു.
കുട്ടികളുടെ ചിത്രങ്ങള്‍ ഉള്‍പ്പെടെയുള്ള നോട്ടീസുകള്‍ തമിഴ്നാട്ടിലെ പലഭാഗങ്ങളിലും പോലീസ് പതിച്ചിരുന്നു. കുട്ടികളില്‍ ഒരാളുടെ കൈവശം മൊബൈല്‍ ഉണ്ടായിരുന്നെന്നും പാലക്കാട് മുതല്‍ അത് സ്വിച്ച് ഓഫ് ആയതായി കണ്ടെത്തി. ചെക്ക് പോസ്റ്റും മൊബൈല്‍ ഫോണും കേന്ദ്രീകരിച്ചായിരുന്നു അന്വേഷണം.
Also Read:
കേരളത്തില്‍ സ്‌കൂളുകള്‍ വീണ്ടും തുറന്നതിന് പിന്നാലെ വീട് വിട്ടിറങ്ങുന്ന കുട്ടികളുടെ എണ്ണം കൂടുകയാണ്. ഇടുക്കി ജില്ലയില്‍ സ്‌കൂളില്‍ വരാതെ ആനയെ കാണാന്‍ പോയതിന് അധ്യാപകന്‍ വഴക്ക് പറഞ്ഞതോടെ രണ്ട് കുട്ടികള്‍ നാടുവിട്ടിരുന്നു. ഇവരെ രണ്ട് ദിവസത്തെ തിരച്ചിലിന് ഒടുവിലാണ് കണ്ടെത്തിയത്.
