മരം മുറി ഉത്തരവ് സംബന്ധിച്ച വിഷയം സർക്കാർ പരിശോധിച്ച് നടപടിയെടുക്കണം. മുല്ലപ്പെരിയാറിൽ സർക്കാരിന്‍റെ രാഷ്ട്രീയ നിലപാടാണ് വേണ്ടതെന്നും കാനം രാജേന്ദ്രൻ നയം വ്യക്തമാക്കിക്കൊണ്ട് പറഞ്ഞു. “മുല്ലപ്പെരിയാർ കേരളത്തിന്‍റെ പ്രധാന വിഷയമാണ്. അതിനാൽ ഉദ്യോഗസ്ഥർ മാത്രം തീരുമാനങ്ങൾ എടുക്കുന്നത് ശരിയല്ല. കുറ്റക്കാരെ കണ്ടെത്തി കർശന നടപടി സ്വീകരിക്കണം” കാനം രാജേന്ദ്രൻ പറഞ്ഞു.
Also Read :
ഇന്ധന നികുതി വിഷയത്തിൽ പ്രതികരിച്ച സി പി ഐ സംസ്ഥാന സെക്രട്ടറി ഇന്ധന നികുതി കുറക്കേണ്ടതില്ലെന്നും വ്യക്തമാക്കി. കേരളത്തിൽ ആറ് വർഷമായി നികുതി കൂട്ടിയിട്ടില്ല. ഉമ്മൻചാണ്ടി മുഖ്യമന്ത്രിയായിരുന്ന കാലത്തെത്തിനെക്കാൾ 1 ശതമാനം നികുതി ഇടത് സർക്കാർ കുറക്കുകയും ചെയ്തെന്നും അദ്ദേഹം വ്യക്തമാക്കി. നികുതി കൂട്ടിയവർ കുറക്കട്ടെ എന്നും കാനം രാജേന്ദ്രൻ പറഞ്ഞു.
Also Read :
അതേസമയം സമീപത്തെ മരം മുറിക്കുന്നതിന് തമിഴ്നാട് സർക്കാരിന് അനുമതി നൽകിയ ഉത്തരവ് കേരളം മരവിപ്പിച്ചു. ഉദ്യോഗസ്ഥരുടെ ഭാഗത്ത് നിന്നുമുണ്ടായത് ഗുരുതര വീഴ്ചയാണെന്നും കർശന നടപടി സ്വീകരിക്കുമെന്നും വനംവകുപ്പ് മന്ത്രി എകെ ശശീന്ദ്രൻ വാർത്താ സമ്മേളനത്തിലാണ് അറിയിച്ചത്. മരം മുറി ഉത്തരവിനെ കുറിച്ച് വാർത്തകൾ വന്നതോടെ മുഖ്യമന്ത്രിയുമായി ചർച്ച നടത്തിയെന്നും വിവാദ ഉത്തരവിട്ട ഉദ്യോഗസ്ഥർക്കെതിരെ കർശന നടപടി സ്വീകരിക്കാൻ മുഖ്യമന്ത്രി തന്നോട് ആവശ്യപ്പെട്ടതായും അദ്ദേഹം വ്യക്തമാക്കി.
