ദുബായ് > ട്വന്റി 20 ലോകകപ്പിൽ അഫ്ഗാനിസ്ഥാനെ തോൽപ്പിച്ച് ന്യൂസിലൻഡ് സെമിയിലെത്തി. നിർണാകയക മത്സരത്തിൽ എട്ട് വിക്കറ്റിനാണ് കിവികളുടെ ജയം. അഫ്ഗാന് ഉയര്ത്തിയ 125 റണ്സ് വിജയലക്ഷ്യം ന്യൂസിലൻഡ് 11 പന്തുകള് ബാക്കിനിൽക്കെ മറികടന്നു. ഗ്രൂപ്പ് രണ്ടിൽനിന്ന് പാകിസ്ഥാൻ നേരത്തെ സെമി ഉറപ്പിച്ചിരുന്നു. ഇതോടെ ഇന്ത്യയുടെ സെമി ഫൈനൽ പ്രതീക്ഷകൾക്കും അവസാനമായി. നാളെ നടക്കുന്ന മത്സരത്തിൽ നമീബിയയെ തോൽപ്പിച്ചാലും ഇനി ഇന്ത്യയ്ക്ക് സെമിയിൽ എത്താനാകില്ല.
ഇന്നത്തെ മത്സരത്തിൽ അഫ്ഗാനിസ്ഥാൻ ന്യൂസിലൻഡിനെ പരാജയപ്പെടുത്തിയിരുന്നെങ്കിൽ, മികച്ച റൺനിരക്കുള്ള ഇന്ത്യയ്ക്ക് നാളത്തെ മത്സരത്തിൽ ദുർബലരായ നമീബിയയെ പരാജയപ്പെടുത്തി സെമി ഫൈനലിൽ പ്രവേശിക്കാമായിരുന്നു. ആ സാധ്യതയും അവസാനിച്ചതോടെ ഇന്ത്യ ടൂർണമെന്റിൽനിന്നും പുറത്തായി. ഇത് നാലാം തവണയാണ് ഇന്ത്യ സെമി കാണാതെ പുറത്താകുന്നത്.
സെമി ലൈനപ്പ്:
പാകിസ്ഥാൻ vs ഓസ്ട്രേലിയ
ഇംഗ്ലണ്ട് vs ന്യൂസിലൻഡ്
