കോണ്‍ഗ്രസിന്‍റെ ദേശീയപാത ഉപരോധം; ഗതാഗതക്കുരുക്ക്; പ്രതിഷേധിച്ച് നടന്‍ ജോജു; പ്രവർത്തകർ വാഹനം തകർത്തു

കൊച്ചി: ഇന്ധന വിലവർധനയ്ക്കെതിരായ കോൺഗ്രസിന്‍റെ ദേശീയപാത ഉപരോധത്തിൽ സംഘർഷം. അരമണിക്കൂറിൽ ഏറെ ഇടപ്പള്ളി മുതൽ വൈറ്റില വരെയുള്ള റോഡിന്‍റെ ഇടതുഭാഗം അടച്ചിട്ട് പ്രതിഷേധിച്ചതിനെതിരെ ചലച്ചിത്ര താരം ജോജു ജോർജു പ്രതിഷേധിച്ചു. സംഭവത്തിന് പിന്നാലെ താരത്തിന്‍റെ വാഹനത്തിന് നേരെ ആക്രമണം ഉണ്ടായി.

ഗതാഗത കുരുക്കിനെതിരെ താരം റോഡിൽ ഇറങ്ങി പ്രതിഷേധിക്കുകയായിരുന്നു. ഇതോടെ ജോജുവിനൊപ്പം ഏതാനം യാത്രക്കാരും ചേർന്നു. റോഡിൽ ഇറങ്ങിയതോടെ സമരത്തെ അനുകൂലിക്കുന്നവരുമായി വാക്ക് തർക്കവും ഉണ്ടായി. കോൺഗ്രസ് റോഡ് ഉപരോധം അവസാനിപ്പിച്ചതിന് പിന്നാലെയാണ് ജോജുവിന്‍റെ വാഹനത്തിന് നേരെ ആക്രമണമുണ്ടായതെന്ന് ഏഷ്യാനെറ്റ് ന്യൂസ് റിപ്പോർട്ട് ചെയ്തു.

Also Read :
ജോജു ജോർജിന്‍റെ വാഹനം തടഞ്ഞ കോൺഗ്രസ് പ്രവർത്തകർ പിറക് വശത്തെ ചില്ല് തകർക്കുകയായിരുന്നെന്നാണ് ഏഷ്യാനെറ്റ് ന്യൂസ് റിപ്പോർട്ട്.

ജോജു ജോർജ് മദ്യപിച്ചാണ് ബഹളം ഉണ്ടാക്കിയതെന്ന് ഡിസിസി പ്രസിഡന്‍റ് ആരോപിച്ചു. നടൻ മദ്യപിച്ചെത്തി മഹിളാ കോൺഗ്രസ് പ്രവർത്തരെ അസഭ്യം പറഞ്ഞുവെന്നും ദേഹത്ത് പിടിച്ച് തള്ളിയെന്നുമാണ് കോൺഗ്രസ് നേതാക്കൾ ആരോപിക്കുന്നത്.

Also Read :

നടന്‍ സിനിമാ സ്റ്റൈലിൽ കള്ളുകുടിച്ച് വന്ന് ഷോ കാണിക്കുകയായിരുന്നെന്നും ഡിസിസി അധ്യക്ഷൻ ഷിയാസ് ആരോപിച്ചു. എന്നാൽ വാദം തള്ളിയ ജോജു മദ്യപിച്ചിട്ടില്ലെന്നും വൈദ്യ പരിശോധന നടത്തുമെന്നും പറഞ്ഞു. സംഭവ സ്ഥലത്ത് നിന്ന് പോലീസ് സംരക്ഷണനയിലാണ് നടനെ സ്ഥലത്ത് നിന്ന് മുന്നോട്ട് കൊണ്ടുപോയത്.

സാധാരണക്കാരെ ബുദ്ധിമുട്ടിക്കുന്ന സമരം എന്ന് പറഞ്ഞായിരുന്നു ജോജു ജോർജ് കോൺഗ്രസ് റോഡ് ഉപരോധത്തിനെതിരെ പ്രതിഷേധിച്ചത്. ഇന്ധന വില വർധനയ്ക്കെതിരെ സമരം ചെയ്യണമെന്നും എന്നാൽ ഇതല്ല അതിനുള്ള വഴിയെന്നും അദ്ദേഹം പറഞ്ഞിരുന്നു. സാധാരണ ജനങ്ങളെ ബുദ്ധിമുട്ടിച്ചുകൊണ്ട് എന്ത് നേട്ടമാണ് ഉണ്ടാക്കുന്നതെന്ന് ജോജു കോൺഗ്രസ് പ്രവർത്തകരോട് ചോദിച്ചിരുന്നു.

Also Read :