“രാഷ്ട്രീയനിലപാട് തെറ്റായിപോയി എന്ന് തിരിച്ചറിഞ്ഞ് സ്വന്തം തറവാട്ടിലേക്ക് തിരികെവരാൻ ആഗ്രഹിക്കുന്ന പ്രവർത്തകരെ ഉപാധികളില്ലാതെ സ്വീകരിക്കുന്ന ഹൃദയവിശാലതയാണ് ഇന്ത്യൻ നാഷണൽ കോൺഗ്രസ്. ചെറിയാൻ അങ്കിളിന് സ്വാഗതം”. ഫേസ്ബുക്കിൽ കുറിച്ചു.
Also Read :
രണ്ട് പതിറ്റാണ്ട് നീണ്ട ഇടത് ബന്ധം ഉപേക്ഷിച്ചാണ് കോൺഗ്രസിൽ തിരിച്ചെത്തിയത്. താൻ കോൺഗ്രസിലേക്ക് മടങ്ങുകയാണെന്ന് വാർത്താ സമ്മേളനത്തിലാണ് ചെറിയാൻ ഫിലിപ്പ് പ്രതികരിച്ചത്. ഔദ്യോഗിക പ്രഖ്യാപനത്തിന് മുമ്പ് ചെറിയാൻ ഫിലിപ്പ് എ കെ ആന്‍റണിയെ സന്ദർശിച്ചിരുന്നു.
സി പി എം സഹയാത്രികനായിരുന്നപ്പോൾ ന്യായീകരണ തൊഴിലാളിയായി മാത്രം മാറിയെന്നും കോൺഗ്രസിൽ സ്വന്തമായി അഭിപ്രായം പറയാമെന്നും പാർട്ടി പ്രവേശനത്തിന് പിന്നാലെ ചെറിയാൻ ഫിലിപ്പ് പറഞ്ഞു.
Also Read :
കാൽ നൂറ്റാണ്ടിൻറെ തുടർരചന നടത്താത്തത് സി പി എമ്മിന് എതിരാകുമെന്ന് തോന്നിയതിനാൽ ആണ്. സി പി എമ്മിനെ കുറിച്ച് എഴുതാൻ കോൺഗ്രസിനേക്കാളുമുണ്ട്. സി പി എമ്മിലായിരുന്നപ്പോൾ ഉത്തരവാദിത്വത്തോടെ പ്രവർത്തിച്ചു. സി പി എമ്മിൽ തനിക്ക് രാഷ്ട്രീയ പ്രസക്തിയുണ്ടായിരുന്നില്ല. കേരളത്തിലെ കോൺഗ്രസ് തിരിച്ച് വരവിന്‍റെ പാതയിൽ ആണെന്നും ചെറിയാൻ ഫിലിപ്പ് പറഞ്ഞു.
സി പി എമ്മിൽ ആയിരുന്ന‌പ്പോഴും താൻ രാഷ്ട്രീയ സത്യസന്ധത പുലർത്തിയെന്നും രാഷ്ട്രീയ രഹസ്യങ്ങൾ രഹസ്യമായിരിക്കുമെന്നും ചെറിയാൻ ഫിലിപ്പ് വ്യക്തമാക്കി. വിപുലമായ സൗഹൃദങ്ങൾ കോൺഗ്രസിൽ ഉണ്ട്. തന്‍റെ വേരുകൾ കോൺഗ്രസിൽ ആണ്. മറ്റൊരു പ്രതലത്തിൽ താൻ വളരില്ല. വേരുകൾ തേടി ഞാൻ മടക്കയാത്ര നടത്തുന്നു. ജനിച്ച് വളർന്ന വീട്ടിൽ കിടന്ന് മരിക്കണമെന്നും ചെറിയാൻ ഫിലിപ്പ് പറഞ്ഞു.
Also Read :
കെ കരുണാകരനുമായും എ കെ ആന്‍റണിയുമായും അടുത്ത ബന്ധമുണ്ടായിരുന്ന ചെറിയാൻ ഫിലിപ്പ് കോൺഗ്രസ് ബന്ധം ഉപേക്ഷിച്ചെങ്കിലും സി പി എമ്മിൽ ചേര്‍ന്നിരുന്നില്ല. എന്നാൽ സി പി എം സഹയാത്രികനായി നിലപാടുകൾ സ്വീകരിച്ച അദ്ദേഹം നിയമസഭാ തെരഞ്ഞെടുപ്പുകളിൽ ഇടതു സ്ഥാനാര്‍ഥിയായി മത്സരിച്ചു. കെ ടി ഡി സി ചെയര്‍മാനായും നവകേരള മിഷൻ കോര്‍ഡിനേറ്ററായും പ്രവര്‍ത്തിക്കുകയും ചെയ്തു.
