ബസിനുള്ളില് തെര്മല് സ്കാനര്, സാനിറ്റൈസര് എന്നിവ കരുതുകയും ഡോര് അറ്റന്ഡര് കുട്ടികളുടെ ടെംപറേച്ചര് പരിശോധിക്കുകയും കൈകള് സാനിറ്റൈസ് ചെയ്യുകയും വേണം. എല്ലാ കുട്ടികളും മാസ്ക് ധരിച്ചിട്ടുണ്ടെന്നും സാമൂഹിക അകലം പാലിക്കുന്നുണ്ടെന്നും ഉറപ്പ് വരുത്തണം. എല്ലാ ദിവസവും യാത്ര അവസാനിക്കുമ്പോള് വാഹനം അണു നാശിനിയോ സോപ്പ് ലായനിയോ ഉപയോഗിച്ച് കഴുകി വൃത്തിയാക്കണം.
Also Read :
പ്രോട്ടോക്കോള് കൃത്യമായി പാലിക്കേണ്ട ഉത്തരവാദിത്വം എല്ലാവര്ക്കുമുണ്ട്. ദീര്ഘകാലമായി ഉപയോഗിക്കാതെ കിടക്കുന്ന സ്കൂള് ബസുകള് റിപ്പയര് ചെയ്ത് ഫിറ്റ്നസ് പരിശോധനയും ട്രയല് റണ്ണും സമയബന്ധിതമായി പൂര്ത്തിയാക്കാനും നിര്ദ്ദേശിച്ചിട്ടുണ്ടെന്നും ഗതാഗത വകുപ്പ് മന്ത്രി പറഞ്ഞു. ഇവിടങ്ങളിൽ മോട്ടോര് വാഹന വകുപ്പ് ഉദ്യോഗസ്ഥര് സ്കൂളുകളിൽ നേരിട്ടെത്തി പരിശോധന നടത്തിവരികയാണ്.
ഡ്രൈവര്മാര്ക്കും അറ്റന്ഡര്മാര്ക്കും നേരിട്ടും ഓണ്ലൈനായും പരിശീലനം നല്കും. വിദ്യാഭ്യാസ സ്ഥാപനങ്ങളുടെ വാഹനങ്ങള് റിപ്പയര് ചെയ്യുന്നതിന് കെ എസ് ആർ ടി സി വര്ക്ക്ഷോപ്പുകളുടെ സൗകര്യം ഉപയോഗിക്കാവുന്നതാണ്. കൊവിഡിന്റെ പശ്ചാത്തലത്തില് കെഎസ്ആര്ടിസി ആരംഭിച്ച ബോണ്ട് സര്വ്വീസുകള് ആവശ്യപ്പെടുന്ന സ്കൂളുകള്ക്ക് നല്കും. ദൂരവും ട്രിപ്പുകളും പരിഗണിച്ച് പ്രത്യേക നിരക്കിലായിരിക്കും സര്വ്വീസ് നടത്തുക. സ്കൂള് ബസുകളേക്കാള് കുറഞ്ഞ നിരക്കായിരിക്കും.
Also Read :
അടുത്ത മാസത്തോടെ കെഎസ്ആര്ടിസി കൂടുതല് സര്വ്വീസുകള് ആരംഭിക്കും, മാത്രമല്ല വിദ്യാർഥികള്ക്ക് നിലവിലുള്ള എല്ലാ ആനുകൂല്യങ്ങളും തുടർന്നും ലഭിക്കും. തദ്ദേശസ്ഥാപനങ്ങളുടെ സഹകരണത്തോടെ കെഎസ്ആര്ടിസി ആരംഭിക്കുന്ന ഗ്രാമവണ്ടി ഓടിത്തുടങ്ങുന്നതോടെ സംസ്ഥാനത്തെ ഉള്പ്രദേശങ്ങളിലെ വിദ്യാർഥികളുടെ യാത്രാ പ്രശ്നം പരിഹരിക്കാന് സാധിക്കുമെന്നും മന്ത്രി പറഞ്ഞു.
വിദ്യാർഥികളെ കയറ്റുവാന് മടി കാണിക്കുന്ന സ്വകാര്യ ബസുകള്ക്കെതിരെ നടപടി സ്വീകരിക്കുമെന്നും ഗതാഗത മന്ത്രി വ്യക്തമാക്കി. ജില്ലാ കളക്ടറുടെ നേതൃത്വത്തിലുള്ള സ്റ്റുഡന്റ്സ് ട്രാവലിംഗ് ഫെസിലിറ്റി കമ്മിറ്റിയും മോട്ടോര് വാഹന വകുപ്പും കര്ശനമായി ഇടപെടുകയും ചെയ്യുമെന്നും അദ്ദേഹം നിയമസഭയിൽ പറഞ്ഞു.
Also Read :
