ഒരു പക്ഷെ ഇറ്റലിയിലെ തെരുവുകളിൽ നിങ്ങൾ മിസ്റ്റർ ബീനിനെയും മകളെയും കണ്ടെത്തിയേക്കാം. മിസ്റ്റർ ബീൻ കഥാപാത്രം അതിനിടയ്ക്ക് കല്യാണം കഴിച്ചു കുട്ടിയായോ എന്നാവും ചിന്തിക്കുന്നത്? യഥാർത്ഥത്തിൽ ഇറ്റലിയിൽ നിന്നുള്ള രണ്ട് പേരാണ് മിസ്റ്റർ ബീനുമായുള്ള അസാധാരണമായ സാമ്യതയുമായി ഓൺലൈനിൽ ഒരു തരംഗം സൃഷ്ടിക്കുന്നത്. ടിക്‌ടോക്ക് താരങ്ങളായ ഫാബിയോള ബാഗ്ലിയേരിക്കും അർണാൾഡോ മാംഗിനിക്കും മിസ്റ്റർ ബീൻ കഥാപാത്രവുമായി അസാധാരണമായ സാമ്യമുണ്ട്. ഇരുവരും അനുകരിക്കുന്ന ചേഷ്ടകൾ കണ്ടാൽ ‘അല്ല ഇതാരൊക്കെ! മിസ്റ്റർ ബീനും മകളുമല്ലേ?’ എന്ന് നിങ്ങളും പറഞ്ഞു പോവും.
യഥാർത്ഥത്തിൽ അർണാൾഡോയും ഫാബിയോളയും യഥാർത്ഥ ജീവിതത്തിൽ പോലും അച്ഛനും മകളുമല്ല. പക്ഷെ മിസ്റ്റർ ബീൻ കഥാപാത്രത്തോടുള്ള ഇവരുടെ മുഖത്തിന്റെയും പ്രവർത്തികളുടെയും സാമ്യം മൂലം അവർ മിസ്റ്റർ ബീനും മകളുമായി അഭിനയിക്കുക്കയാണ്. ഇരുവരും തങ്ങളുടെ ആരാധകർക്കായി നിരവധി വീഡിയോകൾ ഇൻസ്റ്റാഗ്രാമിൽ പോസ്റ്റ് ചെയ്യുന്നുണ്ട്.
ഇൻസ്റ്റാഗ്രാമിൽ ക്ലിക്ക് ആയതോടെ മിസ്റ്റർ ബീനിനെയും മകളെയും (അർണാൾഡോയും ഫാബിയോളയും) തെരുവിൽ ജനങ്ങൾ തടയുകയും കൂടെ നിന്ന് സെൽഫിയെടുക്കുന്നതും സ്ഥിരം കാഴ്ചയായി. ഇരുവരുടെയും ഇൻസ്റ്റാഗ്രാം പോസ്റ്റുകൾ ജനങ്ങൾക്ക് ക്ഷ പിടിച്ചിട്ടുണ്ട് എന്നാണ് ദിനംപ്രതി ഉയരുന്ന പ്രശസ്തി വെളിപ്പെടുത്തുന്നത്.
