Australia vs South Africa T20 World Cup Live Cricket Score Online: 2021 ടി 20 ലോകകപ്പിൽ ആദ്യ സൂപ്പർ 12 മത്സരത്തിൽ ദക്ഷിണാഫ്രിക്കയ്ക്കെതിരെ ഓസ്ട്രേലിയക്ക് 119 റൺസ് വിജയലക്ഷ്യം. ആദ്യം ബാറ്റ് ചെയ്ത ദക്ഷിണാഫ്രിക്ക ഒമ്പത് വിക്കറ്റ് നഷ്ടത്തിൽ 118 റൺസ് നേടി. എയ്ഡൻ മാർക്ക്രമിന് മാത്രമാണ് ദക്ഷിണാഫ്രിക്കൻ നിരയിൽ ഭേദപ്പെട്ട സ്കോർ നേടാൻ കഴിഞ്ഞത്. നാലാമനായിറങ്ങിയ മാർക്ര്ം 36 പന്തിൽ നിന്ന് 40 റൺസ് നേടി. ഓപ്പണിങ്ങിനിറങ്ങിയ കാപ്റ്റൻ ചെംബ ബൗമ ഏഴ് പന്തിൽനിന്ന് 12 റൺസെടുത്തും ക്വിന്റൺ ഡികോക്ക് 12 പന്തിൽ നിന്ന് ഏഴ് റൺസെടുത്തും പുറത്തായി. റാസി വാൻഡെർ ഡസൻ രണ്ട്, ഹെൻറിച്ച് ക്ലാസെൻ-13, ഡേവിഡ് മില്ലർ-16, ഡ്വെയ്ൻ പ്രിട്ടോറിയസ്-ഒന്ന്, കാസിഗോ റബാദ പുറത്താകാതെ 19, ആൻറിച്ച് നോർജെ – രണ്ട് എന്നിങ്ങനെയാണ് മറ്റുള്ളവരുടെ സ്കോർ. കേശവ് മഹാരാജ് റണ്ണൊന്നുമെടുക്കാതെ പുറത്തായി.
ഓസീസിന് വേണ്ടി ആദം സാംപയും മിച്ചൽ സ്റ്റാർക്കും ജോഷ് ഹേസൽവുഡും രണ്ട് വിക്കറ്റ് നേടി. പാറ്റ് കമ്മിസും ഗ്ലെൻ മാക്സ്വെലും ഓരോ വിക്കറ്റെടുത്തു.
ഗ്രൂപ്പ് വണ്ണിൽ നടക്കുന്ന മത്സരത്തിൽ ടോസ് നേടിയ ഓസ്ട്രേലിയ ബൗളിങ് തിരഞ്ഞെടുക്കുകയായിരുന്നു. അബൂദബി ക്രിക്കറ്റ് സ്റ്റേഡിയത്തിലാണ് മത്സരം.
ഓസ്ട്രേലിയ ഇലവൻ: ആരോൺ ഫിഞ്ച് (കാപ്റ്റൻ), ഡേവിഡ് വാർണർ, മിച്ചൽ മാർഷ്, സ്റ്റീവ് സ്മിത്ത്, ഗ്ലെൻ മാക്സ്വെൽ, മാർക്കസ് സ്റ്റോയിനിസ്, മാത്യു വെയ്ഡ് (വിക്കറ്റ് കീപ്പർ), മിച്ചൽ സ്റ്റാർക്ക്, പാറ്റ് കമ്മിൻസ്, ആദം സാംപ, ജോഷ് ഹേസൽവുഡ്
ദക്ഷിണാഫ്രിക്ക ഇലവൻ: ക്വിന്റൺ ഡി കോക്ക് (വിക്കറ്റ് കീപ്പർ), ടെംബ ബൗമ (കാപ്റ്റൻ), റാസി വാൻ ഡെർ ഡസൻ, ഐഡൻ മക്രം, ഡേവിഡ് മില്ലർ, ഹെൻറിച്ച് ക്ലാസൻ, ഡ്വെയ്ൻ പ്രിട്ടോറിയസ്, കഗിസോ റബാഡ, കേശവ് മഹാരാജ്, അൻറിച്ച് നോർജെ, തബ്രെയ്സ് ഷംസി
The post T20 World Cup-Australia vs South Africa: ദക്ഷിണാഫ്രിക്കക്കെതിരെ ഓസീസിന് 119 റൺസ് വിജയലക്ഷ്യം appeared first on Indian Express Malayalam.
