മോൻസന്റെ വീട്ടിലെ തിരുമ്മൽ കേന്ദ്രത്തിൽ ഒളിക്യാമറയും; യുവതിയുടെ വെളിപ്പെടുത്തൽ

കൊച്ചി: പുരാവസ്ഥു തട്ടിപ്പുകാരൻ മോൻസൻ മാവുങ്കലിന്റെ വീട്ടിലെ തിരുമ്മൽ കേന്ദ്രത്തിൽ ഒളിക്യാമറകള്‍ ഉള്ളതായി റിപ്പോര്‍ട്ട്. ഇത്തരത്തിൽ എട്ട് ഒളിക്യാമറകള്‍ ഉണ്ടെന്നും ഉന്നത വ്യക്തികളുടെ ദൃശ്യങ്ങള്‍ ഈ ക്യാമറകളില്‍ ചിത്രീകരിച്ചിട്ടുണ്ടെന്നുമാണ് പുതിയ വെളിപ്പെടുത്തൽ.

Also Read :

മോൻസനെതിരെ പീഡന പരാതി നൽകിയ യുവതി ക്രൈം ബ്രാഞ്ചിന് നൽകിയ മൊഴിയിലാണ് ഇക്കാര്യം പറഞ്ഞിരിക്കുന്നത്. കഴിഞ്ഞ ദിവസം മോൻസനെതിരെ പോക്സോ കേസ് ഉയര്‍ന്നു വന്നിരുന്നു. ഇതിന് പിന്നാലെയാണ് മോൻസന്റെ ചികിത്സാ കേന്ദ്രം സംബന്ധിച്ച് ദുരൂഹതകള്‍ വര്‍ദ്ധിച്ചത്.

Also Read :

മോൻസന്റെ ഭീഷണി ഭയന്നാണ് പലരും പൊലീസിൽ പരാതിപ്പെടാത്തതെന്നും തന്റെ ദൃശ്യങ്ങളും മോൻസൻ പകർത്തിയിട്ടുണ്ടെന്നും യുവതി വെളിപ്പെടുത്തുന്നതായി ഏഷ്യാനെറ്റ് ന്യൂസ് റിപ്പോര്‍ട്ട് ചെയ്യുന്നു.

പ്രായപൂർത്തിയാകാത്ത പെൺകുട്ടിയെ പീഡിപ്പിച്ചെന്ന പരാതിയിൽ ഇയാൾക്കെതിരെ എറണാകുളം നോർത്ത് പോലീസ് കേസ് രജിസ്റ്റർ ചെയ്തിരുന്നു. പെൺകുട്ടിയും അമ്മയും കഴിഞ്ഞ ദിവസം എറണാകുളം നോർത്ത് പോലീസ് സ്റ്റേഷനിൽ നേരിട്ടെത്തി പരാതി നൽകുകയായിരുന്നു എന്നാണ് വിവിധ മാധ്യമങ്ങൾ റിപ്പോർട്ട് ചെയ്യുന്നത്.

Also Read :

പരാതി പ്രകാരം,2013ലാണ് പീഡനം നടന്നത്. തുടർ വിദ്യാഭ്യാസം വാഗ്ദാനം ചെയ്ത് 17 വയസുകാരിയായ പെൺകുട്ടിയെ കലൂരിലെ വീട്ടിലും കൊച്ചിയിൽ തന്നെയുള്ള മറ്റൊരു വീട്ടിലും വെച്ച് പീഡിപ്പിച്ചുവെന്നാണ് മോൺസനെതിരെ കേസ്. വീട്ടിലേക്ക് വിളിച്ചുവരുത്തിയാണ് പീഡനം നടത്തിയത്.

Also Read :

മോൻസനെതിരെ പരാതി നൽകാൻ ഭയമുള്ളതിനാലാണ് പോലീസിൽ പരാതി നൽകാന്‍ മടിച്ചത് എന്നാണ് പെൺകുട്ടിയുടെ അമ്മ പോലീസിന് മൊഴി നൽകി. മോൻസൻ കോടികള്‍ തിരിച്ചു നൽകാൻ ഉള്ള പലരും ഭീഷണി ഭയന്നാണ് പരാചി നൽകിയത് എന്നാണ് റിപ്പോർട്ട്. അതേസമയം, ഇനിയും യുവതികള്‍ ഇത്തരത്തിൽ പരാതിയുമായി രംഗത്തുവരുമോ എന്നാണ് അന്വേഷണ സംഘം കകാത്തിരിക്കുന്നത്.