തിരുവനന്തപുരം: പ്രൊഫഷണൽ കോളേജുകൾ ഉൾപ്പെടെ എല്ലാ വിദ്യാഭ്യാസ സ്ഥാപനങ്ങൾക്കും ശനിയാഴ്ചവരെ അവധി പ്രഖ്യാപിച്ചു. വ്യാഴം, വെള്ളി, ശനി ദിവസങ്ങളിൽ നടത്താൻ നിശ്ചയിച്ചിരുന്ന എല്ലാ പരീക്ഷകളും മാറ്റിവെക്കാനും സർവകലാശാലകൾക്ക് ഉന്നതവിദ്യാഭ്യാസ വകുപ്പ് നിർദേശം നൽകി.
നിലവിൽ നടന്നുകൊണ്ടിരിക്കുന്ന പ്രവേശനനടപടികൾ തുടരണം. ഉന്നതവിദ്യാഭ്യാസ സ്ഥാപനങ്ങൾ ഉൾപ്പെടെയുള്ളവ തുറക്കുന്നത് നേരത്തേതന്നെ 25-ലേക്ക് മാറ്റിവെച്ചിരുന്നു. ക്ലാസുകൾ ആരംഭിച്ചുകഴിഞ്ഞ അവസാനവർഷ കോഴ്സുകൾക്കും ഇത് ബാധകമായിരുന്നു.
content highlights:Holidays until Saturday for all educational institutions
