തിരുവനന്തപുരം > കെഎസ്കെടിയു സംസ്ഥാന ട്രഷററായി സി ബി ദേവദർശനനെ തെരഞ്ഞെടുത്തു. ട്രഷററായിരുന്ന ബി രാഘവൻ അന്തരിച്ചതിനെ തുടർന്നാണിത്.
നിലവിൽ സംസ്ഥാന ജോയിന്റ് സെക്രട്ടറിയും കർഷക തൊഴിലാളി യൂണിയൻ അഖിലേന്ത്യാ വർക്കിങ് കമ്മിറ്റിയംഗവുമാണ് ദേവദർശനൻ. സിപിഐ എം എറണാകുളം ജില്ലാ കമ്മിറ്റിയംഗമാണ്. എറണാകുളം കേന്ദ്രമായ ഇ എം എസ് പഠന ഗവേഷണ കേന്ദ്രം ഡയറക്ടറാണ്. സംസ്ഥാന കമ്മിറ്റി യോഗത്തിൽ പ്രസിഡന്റ് എൻ ആർ ബാലൻ അധ്യക്ഷനായി. സെക്രട്ടറി എൻ ചന്ദ്രൻ പ്രവർത്തന റിപ്പോർട്ട് അവതരിപ്പിച്ചു.
