എംപി പങ്കുവെച്ചത്. എന്നാൽ എംപി പങ്കെടുത്തത് സ്വവര്‍ഗവിവാഹത്തിലാണെന്ന് ആരോപിച്ച് ഒരു വിഭാഗം ആരോപണവുമായി രംഗത്തെത്തുകയായിരുന്നു.
Also Read :
ഇന്ന് വിവാഹിതരായ മഞ്ചേശ്വരത്തെ സിനാനും ഷഫീഖ്നുമൊപ്പം’ എന്ന തലക്കെട്ടിലാണ് ഔദ്യോഗിക ഫേസ്ബുക്ക് പേജിൽ ഉണ്ണിത്താൻ ഒരു ചിത്രം പങ്കുവെച്ചത്. എംപി പങ്കെടുത്തത് സ്വവര്‍ഗ വിവാഹത്തിലാണെന്നും ഇതു മോശമാണെന്നും ആരോപിച്ചു ഒരു വിഭാഗം രംഗത്തെത്തിയപ്പോള്‍ സ്വവര്‍ഗവിവാഹത്തിനു പിന്തുണയുമായും ചിലര്‍ കമൻ്റ് ബോക്സിലെത്തി. എന്നാൽ വിവാഹം നടന്നത് ഇവര് തമ്മിലല്ലെന്നും രണ്ട് സഹോദരന്മാരാണ് ചിത്രത്തിലുള്ളതെന്നും മറ്റു ചിലരും ചൂണ്ടിക്കാട്ടി.
താൻ പങ്കെടുത്തത് സഹോദരങ്ങളുടെ വിവാഹത്തിനാണെന്ന് എംപി സമയം മലയാളത്തോട് പറഞ്ഞു. “അനിയനും ചേട്ടനുമാണത്, ഇവര് തമ്മിൽ വിവാഹം കഴിക്കില്ലല്ലോ. ഒരു അമ്മയുടെ രണ്ട് മക്കളാണ് ഇവര്, ഒരു വേഷമിട്ടിരിക്കുന്നു. അപ്പോള്‍ ഇരട്ടകളാണോ എന്ന് സംശയം തോന്നിയതിനാൽ എന്താണ് ഒരേ വേഷമിട്ടിരിക്കുന്നത് എന്ന് ചോദിച്ചു. തങ്ങള്‍ സഹോദരങ്ങളാണെന്ന് അവര്‍ പറഞ്ഞ”തായും എംപി സമയം മലയാളത്തോട് വ്യക്തമാക്കി.
അതേസമയം, എംപിയെ അധിക്ഷേപിച്ച് നിരവധി പേരാണ് കമൻ്റ് ബോക്സിലെത്തിയത്. “ഇയാൾ പറയിപ്പിക്കാൻ….. ആണുങ്ങൾ കല്യാണം കഴിക്കുന്നത് സപ്പോർട്ട് ചെയ്യുന്ന എംപി ആണല്ലോ നമുക്ക്…. “, “ഉള്ള വില കളയരുത്”, “രണ്ടു ആണുങ്ങൾ കല്യാണം കഴിക്കുന്നത് പ്രകൃതി വിരുദ്ധം…….” എന്നിങ്ങനെ നിരവധി കമൻ്റുകള്‍ പോസ്റ്റിന് താഴെ വന്നു. എന്നാൽ ഒരു വിഭാഗം എംപിയെ പിന്തുണച്ചും രംഗത്തെത്തി.
“പാരമ്പര്യത്തെ വെല്ലുവിളിച്ച് രണ്ടാണുങ്ങൾ തമ്മിലുള്ള വിവാഹത്തിൽ പങ്കെടുത്ത താങ്കൾക്കും, അതിനവസരമൊരുക്കി കൊടുത്ത കാസർകോട്ടെ ജനങ്ങൾക്കും ആശംസകൾ”. “സദാചാര പോലീസ് കളിക്കുന്ന എല്ലാവർക്കും കിട്ടിയ അടിയാണ് താങ്കളെടുത്ത ധീരമായ തീരുമാനം. ഇത് പോലെയുള്ള ഗേ കപ്പിൾസിനെ അഗീംകരിക്കാൻ മനസ്സ് കാട്ടിയ അങ്ങേക്ക് അഭിനന്ദങ്ങൾ.” എന്നിങ്ങനെ നീളുന്നു കമന്റുകള്‍.
അതേസമയം, തനിക്ക് നേരെ ഇതാദ്യമായല്ല ഇത്തരത്തിൽ സൈബര്‍ ആക്രമണമുണ്ടാകുന്നത് എന്ന് അദ്ദേഹം പറഞ്ഞു. ശനിയാഴ്ച വൈകിട്ട് താൻ ഒരു വിവാഹത്തിൽ പങ്കെടുത്ത ദൃശ്യങ്ങള്‍ സമൂഹമാധ്യമങ്ങളിൽ പങ്കുവച്ചപ്പോള്‍ ഇത്തരത്തിൽ നിരവധി കമന്റുകള്‍ വന്നതായി അദ്ദേഹം പറഞ്ഞു. എന്നാൽ, കല്യാണവീട്ടിൽ പോയി നെഞ്ചത്തടിച്ച് കരയാൻ പറ്റുമോ എന്ന് എംപി ചോദിക്കുന്നു. ഫേസ്ബുക്കിലെ അധിക്ഷേപ പരാമർശങ്ങളും ചർച്ചയും ശ്രദ്ധയിൽപ്പെട്ടിരുന്നില്ലെന്നും എംപി മറുപടി നൽകി.
Also Read :
ഇടുക്കിയിലും പത്തനംതിട്ടയിലും ഉരുൾപൊട്ടി കുറച്ചുപേര്‍ മരിച്ചപ്പോള്‍ കാസര്‍കോട്ടെ കല്യാണത്തിന് വന്ന് നെഞ്ചത്തടിച്ച് കരയാൻ പറ്റുമോ എന്നും എംപി ചോദിച്ചു. ഓരോന്നിന്റെയും സാഹചര്യം ഓരോന്നാണ്. കൊവിഡ് 19 ആയതിനാൽ ഒന്നര വര്‍ഷമായി ഒരു വിവാഹത്തിനും പങ്കെടുക്കാറില്ലെന്നും ജനങ്ങളുടെ സുഖത്തിലും ദുഖത്തിലും പങ്കെടുക്കുന്ന ജോലിയാണ് തങ്ങള്‍ക്ക് എന്നും കാസര്‍കോട് എംപി വ്യക്തമാക്കി.
