ന്യൂഡൽഹി
ലഖിംപുർ ഖേരിയിൽ കർഷകരെ കാറിടിച്ചുകയറ്റി കൊന്ന കേസില് മുഖ്യപ്രതി ആശിഷ് മിശ്രയുടെ ഉറ്റഅനുയായി അങ്കിത്ത്ദാസ് അറസ്റ്റിൽ. അങ്കിത്ത്ദാസിനെ ലഖിംപുർ സിജെഎം കോടതി 14ദിവസം ജുഡീഷ്യൽ കസ്റ്റഡിയിൽ വിട്ടു.
ബുധനാഴ്ച പ്രത്യേക അന്വേഷണസംഘം (എസ്ഐടി) മുമ്പാകെ അങ്കിത്ത്ദാസും മറ്റൊരു പ്രതി ലത്തീഫും(കാലേ) ഹാജരായി.മുൻ മന്ത്രി അഖിലേഷ് ദാസിന്റെ അനന്തിരവൻ കൂടിയായ അങ്കിത്തിനെയും ലത്തീഫിനെയും മണിക്കൂറുകള് ചോദ്യംചെയ്ത ശേഷമാണ് അറസ്റ്റ് രേഖപ്പെടുത്തിയത്. കർഷകരെ ഇടിച്ചിട്ട വാഹനങ്ങളിൽ ഒന്ന് അങ്കിത്ത്ദാസിന്റെ ഉടമസ്ഥതയിലുള്ളതാണ്. ലത്തീഫിനെയും കോടതി 14 ദിവസം കസ്റ്റഡിയിൽ വിട്ടു. അറസ്റ്റിലായവരുടെ എണ്ണം ആറായി.
ആശിഷ് മിശ്രയ്ക്ക് ജാമ്യമില്ല
കേന്ദ്ര ആഭ്യന്തരസഹമന്ത്രി അജയ് മിശ്രയുടെ മകൻ ആശിഷ് മിശ്രയുടെ ജാമ്യാപേക്ഷ സിജെഎം കോടതി തള്ളി. മൂന്ന് ദിവസത്തേക്ക് കൂടി പൊലീസ് കസ്റ്റഡിയിൽ വിട്ടു.
