നെതർലൻഡ്സിനെ കീഴടക്കി ഇന്ത്യ

ആർഹസ് (ഡെൻമാർക്ക്)
തോമസ് കപ്പ് പുരുഷ ബാഡ്മിന്റൺ ടൂർണമെന്റിൽ ഇന്ത്യക്ക് മികച്ച തുടക്കം. ഗ്രൂപ്പ് സിയിലെ ആദ്യകളിയിൽ നെതർലൻഡ്സിനെ 5–-0ന് തകർത്തു. സിംഗിൾസിൽ കിഡംബി ശ്രീകാന്ത്, ബി സായ് പ്രണീത്, സമീർ വർമ എന്നിവർ അനായാസജയം കുറിച്ചു. ഡബിൾസിൽ സ്വാതിക്സായിരാജ് റെങ്കിറെഡ്ഡി–-ചിരാഗ് ഷെട്ടി, എം ആർ അർജുൻ–-ധ്രുവ് കപില സഖ്യവും ജയിച്ചു. വനിതകളുടെ ഊബർ കപ്പിൽ ഇന്ത്യ സ്പെയ്നിനെ വീഴ്ത്തിയിരുന്നു.
പുരുഷൻമാർക്ക് തഹീറ്റിയുമായും വനിതകൾക്ക് സ്കോട്ലൻഡുമായുമാണ് അടുത്തമത്സരം.