പാലക്കാട് വയോധിക ദമ്പതികളുടെ മൃതദേഹം കത്തിക്കരിഞ്ഞ നിലയിൽ

പാലക്കാട്: വയോധിക ദമ്പതികൾ വീട്ടിൽ പൊള്ളലേറ്റ് മരിച്ച നിലയിൽ. ചാലിശ്ശേരി പെരുമണ്ണൂർ വടക്കേപ്പുരക്കൽ വീട്ടിൽ റിട്ട. ഹെൽത്ത് ഇൻസ്പെക്ടർ വി പി നാരായണൻ, ഭാര്യ ഇന്ദിര എന്നിവരെയാണ് മരിച്ച നിലയിൽ കണ്ടെത്തിയത്.

ശനിയാഴ്ച പുലർച്ചെ 1.45 ഓടെയാണ് സംഭവമെന്ന് വിവിധ മാധ്യമങ്ങൾ റിപ്പോർട്ട് ചെയ്തു. ദമ്പതികൾ മാത്രമാണ് ഈ വീട്ടിൽ താമസിച്ചിരുന്നത്. മൃതദേഹങ്ങൾ കത്തിക്കരിഞ്ഞ നിലയിലാണ് കണ്ടെത്തിയതെന്ന് മാതൃഭൂമി ന്യൂസ് റിപ്പോർട്ട് ചെയ്തു.

Also Read :
വീടിന് സമീപത്തുളള വിറക് പുരയിലാണ് മൃതദേഹം കണ്ടെത്തിയതെന്ന് ഏഷ്യാനെറ്റ് ന്യൂസ് റിപ്പോർട്ട് ചെയ്തു. വിറക് പുരയിലെ മരപത്തായത്തിന് മുകളിൽ പരസ്പരം കയര്‍ കൊണ്ട് കെട്ടിയ നിലയിലാണ് മൃതദേഹങ്ങൾ ഉണ്ടായിരുന്നതെന്നും റിപ്പോർട്ട് പറയുന്നു. വീടിന് തീപിടിച്ച് ഉണ്ടായ അപകടമല്ലെന്നാണ് പ്രാഥമിക സൂചന. രാത്രി പ്രദേശത്ത് നല്ല മഴയുണ്ടായിരുന്നു. ചാലിശ്ശേരി പോലീസും പട്ടാമ്പി അഗ്നിരക്ഷാ സേനയും സ്ഥലത്തെത്തി.

Also Read:
ശരീരത്തിൽ തീകൊളുത്തി ആത്മഹത്യക്ക് ശ്രമിച്ചതാണ് എന്നാണ് പോലീസിന്‍റെ പ്രാഥമിക നിഗമനം. ദമ്പതികൾക്ക് മൂന്ന് പെൺമക്കളാണ് ഉള്ളത്. മൂന്നുപേരും വിവാഹിതരാണ്.

Also Read: