ഒരു കഥപോലെ പോലെ തോന്നുന്നുണ്ടെങ്കിൽ കേട്ടോളു ഇത് യഥാർത്ഥത്തിൽ നടന്ന സംഭവമാണ്. രാത്രിയിൽ മദ്യപിച്ച് വാഹനമോടിച്ച ഒരു സമ്പന്നയും 24-കാരിയുമായ സാമൂഹ്യപ്രവർത്തകയാണ് പൊതുഗതാഗതം ഇഷ്ടപ്പെടാത്തതിനാൽ ലൈസൻസ് നിരോധിക്കരുതെന്ന് ജഡ്ജിയോട് അപേക്ഷിച്ചത്.
കേ ഹോൾക്രോഫ്റ്റ് എന്ന് പേരുള്ള ഈ യുവതി ഓഗസ്റ്റ് 15ന് രാത്രി വീഞ്ഞ് കുടിക്കുകയും തുടർന്ന് തന്റെ ഫോട്ടോ ഇൻസ്റ്റാഗ്രാമിൽ പോസ്റ്റ് ചെയുകയും ചെയ്തു. അതിനുശേഷം, അവൾ മാഞ്ചസ്റ്ററിൽ നിന്ന് ചെഷയറിലേക്ക് ഒരു ട്രെയിനിൽ സഞ്ചരിച്ചു. ഇതുവരെ ഹോൾക്രോഫ്റ്റ് തെറ്റൊന്നും ചെയ്തിട്ടില്ല. പക്ഷെ പിന്നീട് തന്റെ വെളുത്ത ബിഎംഡബ്ല്യു 1 സീരീസ് കാറിലാണ് ഹോൾക്രോഫ്റ്റ് വീട്ടിലേക്ക് ഡ്രൈവ് ചെയ്തു പോയത്.
മദ്യപിച്ച് ലക്കുകെട്ട ഹോൾക്രോഫ്റ്റ് അപകടകരമായ രീതിയിലാണ് കാർ ഡ്രൈവ് ചെയ്തത്. ശ്രദ്ധയിൽപെട്ട പോലീസ് ഹോൾക്രോഫ്റ്റിനെ ലഹരി പരിശോധനയ്ക്ക് വിധേയമാക്കുകയും മദ്യത്തിന്റെ പരിധിയെക്കാൾ 21 പോയിന്റാണെന്ന് കണ്ടെത്തുകയും ചെയ്തു. സംഭവത്തെത്തുടർന്ന്, അമിതമായ മദ്യം ഉപയോഗിച്ച് വാഹനമോടിച്ചതായി സമ്മതിച്ചതിനെ തുടർന്ന് ഹോൾക്രോഫ്റ്റിന് 15 മാസത്തേക്ക് ഡ്രൈവിംഗ് നിരോധിച്ചു.
ഫോർക്ക്‌ലിഫ്റ്റ് ട്രക്കുകൾക്കുള്ള ഉപകരണങ്ങൾ വിതരണം ചെയ്യുന്നതിനായി മാതാപിതാക്കൾക്കൊപ്പം ഒരു കമ്പനി നടത്തുന്ന ഹോൾക്രോഫ്റ്റ്, സ്റ്റോക്ക്പോർട്ട് മജിസ്‌ട്രേറ്റ്സിൽ ഹാജരായി, നിരോധനം തന്റെ ജീവിതത്തിൽ വലിയ ആഘാതം സൃഷ്ടിക്കുമെന്ന് പറഞ്ഞു. എന്താണ് ഇത്രയും വലിയ ആഘാതം എന്ന് കോടതി എടുത്ത് ചോദിച്ചപ്പോൾ ജോലിസ്ഥലത്തേക്ക് പൊതുഗതാഗത്തിൽ യാത്ര ചെയ്യേണ്ടി വരും എന്നതാണ് പ്രശ്നം എന്ന് മറുപടി.
എന്നാൽ ഹോൾക്രോഫ്റ്റിന്റെ അപേക്ഷ കോടതി ചെവികൊണ്ടില്ല, ഡ്രൈവിംഗിൽ നിന്ന് ഹോൾക്രോഫ്റ്റിനെ 15 മാസത്തേക്ക് കോടതി വിലക്കി.
