കോഴിക്കോട്> നിർത്തിയിട്ട ലോറിക്ക് പിന്നിൽ ലോറിയിടിച്ച് ക്ലീനർ മരിച്ചു. കൊല്ലം തൃക്കോവിലകം കണ്ണനല്ല്ലൂർ ചെറിക്കോണം ചിറയിൽ കിഴക്കേതിൽ റിയാസ്(29) ആണ് മരിച്ചത്.
പുനൈയിൽ നിന്ന് കോട്ടയത്തേയ്ക്ക് ലോഡുമായി വരികയായിരുന്ന ലോറി ചൊവ്വ പുലർച്ചെ ഒന്നരയോടെയാണ് അപകടത്തിൽപ്പെട്ടത്. തൊണ്ടയാട് സ്റ്റാർകെയർ ആശുപത്രിക്ക് സമീപത്തായിരുന്നു സംഭവം. ലോറിക്കുള്ളിൽ കുടുങ്ങിയ റിയാസിനെ ഫയർഫോഴ്സ് സേനാംഗങ്ങൾ എത്തിയാണ് പുറത്തെടുത്തത്. മെഡി. കോളേജ് ആശുപത്രിയിൽ പ്രവേശിപ്പിച്ചെങ്കിലും രക്ഷിക്കാനായില്ല. ഉപ്പ: ജലീൽ. ഭാര്യ: റംസാന.
