ഹരിപ്പാട്: കേരളത്തിലെ മുഖ്യമന്ത്രിയാകാൻ ആഗ്രഹിച്ച ഓരാളാണ് താനെന്ന് രമേശ് ചെന്നിത്തല. ആയില്ല, എന്നുവിചാരിച്ച് ഞാൻ ഈ പരിപാടി നിർത്തുന്നില്ലതുടരുകയാണെന്നും അദ്ദേഹം പറഞ്ഞു.വിദ്യാർഥികളുമായുള്ള സംവാദത്തിനിടയിലാണ് വലിയ വലിയ സ്വപനങ്ങൾ കാണാൻ ഉപദേശിച്ച് ചെന്നിത്തല തന്റെ ആഗ്രഹം തുറന്നുപറഞ്ഞത്. ഹരിപ്പാട് താജൂൽ ഉലമ എഡ്യുക്കേഷ്ണൽ ആന്റ് ചാരിറ്റബിൾ ട്രസ്റ്റിന്റെ മെറിറ്റ്അവാർഡ് സമ്മേളനം ഉദ്ഘാടനം ചെയ്യുകയായിരന്നു അദ്ദേഹം.
കേരളത്തിലെ മുഖ്യമന്ത്രിയാകാൻ ആഗ്രഹിച്ച ഓരാളാണ് ഞാൻ. ആയില്ല, എന്നുവിചാരിച്ച് ഞാൻ ഈ പരിപാടി നിർത്തുന്നില്ല, തുടരുകയാണ്. അവസാനം വരെ പോരാടും ഒരിക്കൽ ഞാൻ നേടും എന്നുള്ളതാണ് എന്റെ നിശ്ചയദാർഢ്യം. ഒരു തിരഞ്ഞെടുപ്പിൽ പരാജയപ്പെട്ടതുകൊണ്ട് ഒന്നും അവസാനിപ്പിക്കില്ല
കുട്ടികൾ ചെറിയ ലോകത്തിൽ ഒതുങ്ങിക്കൂടരുത്. വിദേശ സർവകലാശാലകളിൽ സ്കോളർഷിപ്പോടെ പഠിച്ചിറങ്ങി വലിയ ജോലികൾ നേടാനുള്ള ധാരാളം അവസരങ്ങളുണ്ട്. വെല്ലുവിളികളെ അവസരങ്ങളായി മാറ്റാൻ കഴിയണം.
ലക്ഷ്യത്തിലെത്താൻ സദാസമയവും പ്രവർത്തിച്ചുകൊണ്ടേയിരിക്കണം. പ്രശ്നങ്ങളും പ്രതിബന്ധങ്ങളുമുണ്ടാകാം. അവയിൽ തട്ടി എല്ലാം അവസാനിപ്പിച്ച് പിന്മാറരുതെന്നും പറഞ്ഞ രമേശ് ചെന്നിത്തല ഇതിന് അനുബന്ധമായാണ് തന്റെ രാഷ്ട്രീയ ജീവിതത്തിലെ നിലപാട് വ്യക്തമാക്കിയത്.
Content Highlights:Still dream of becoming Kerala CM, says Ramesh Chennithala
