വന്യജീവി മനുഷ്യ സംഘർഷം ലഘൂകരിക്കാൻ 204 ജന ജാഗ്രതാ സമിതികൾ രൂപീകരിച്ചതായും മുഖ്യമന്ത്രി പറഞ്ഞു. ജാഗ്രതാ സമിതികൾ വിപുലീകരിക്കും. കാട്ടുപന്നികൾ കൃഷി നശിപ്പിക്കുന്നതിനാൽ വന്യജീവി മനുഷ്യ സംഘർഷങ്ങൾ ലഘൂകരിക്കാൻ നടപടി വേണമെന്ന് കർഷകർക്കിടയിൽ നിന്നും ആവശ്യം ഉയർന്നിരുന്നു.
വന്യജീവികൾ നാട്ടിൽ ഇറങ്ങാതിരിക്കാൻ പ്രദേശത്തിന് അനുയോജ്യമായ രീതിയിൽ സൗരോ‍ര്‍ജ്ജ വേലി, കിടങ്ങുകൾ അടക്കമുള്ളവ നി‍ര്‍മ്മിക്കും. വന്യജീവി വാരാഘോഷം ഉദ്ഘാടനം ചെയ്ത് സംസാരിക്കുകയായിരുന്നു മുഖ്യമന്ത്രി.
അതേസമയം കോഴിക്കോട് വീടിനകത്ത് കയറിയ കാട്ടുപന്നി കൂട്ടം സോഫയും ബെഡും കുത്തി കീറി നശിപ്പിച്ചു. തുറന്നിട്ട വാതിൽ വഴി കയറിയാണ് പന്നികൾ നാശം വരുത്തിയത്. വീട്ടിലുണ്ടായിരുന്ന മൂന്ന് കുട്ടികൾ കോണിപ്പടി വഴി മുകളിലേക്ക് പോയതിനാലും അയൽവാസി സമയോചിതമായി ഇടപെട്ടതിനാലുമാണ് കുട്ടികൾ പരിക്കേൽക്കാതെ രക്ഷപെട്ടത്. ഇന്നലെ രാത്രിയാണ് സംഭവം നടന്നത്. വനം വകുപ്പ് ഉദ്യോഗസ്ഥ‍ര്‍ സ്ഥലത്തെത്തി നാശനഷ്ടം വിലയിരുത്തി.
