അവിടെ മികച്ച ചികിത്സ ലഭിക്കുമെന്ന് ആരെങ്കിലും പറഞ്ഞു കാണും. അദ്ദേഹത്തിന് ഒരു സ്വഭാവമുണ്ട്, ആരെങ്കിലും അവിടെ നല്ല ചികിത്സ ലഭിക്കുമെന്ന് പറഞ്ഞാൽ ഉടനേ അങ്ങോട്ടു പോകുന്ന ഏർപ്പാട്. അങ്ങനെ ചികിത്സ നടത്തരുതെന്ന് അദ്ദേഹത്തോട് പറഞ്ഞിട്ടുണ്ട്. ത്വക്ക് രോഗം വന്നപ്പോൾ മോൻസൺ വിദഗ്ദനാണെന്ന് ആരെങ്കിലും പറഞ്ഞു കാണുമെന്നും മുരളീധരൻ പറഞ്ഞു. മറ്റ് കുഴപ്പങ്ങളൊന്നും ഇല്ല. സർക്കാരിന് അന്വേഷിക്കാമല്ലോ എന്നും മുരളീധരൻ കൂട്ടിച്ചേർത്തു.
അതേസമയം, തട്ടിപ്പുകാരൻ മോൻസണുമായി ബന്ധപ്പെട്ട വിഷയത്തിൽ ചാനൽ ചർച്ചകളിൽ പങ്കെടുക്കാനില്ലെന്ന തീരുമാനം കോൺഗ്രസ് മാറ്റി. ചർച്ചകളിൽ പങ്കെടുക്കേണ്ടെന്നാണ് പാർട്ടി വക്താക്കൾക്ക് കെപിസിസി നേരത്തെ നൽകിയ നിർദ്ദേശം. വിഷയത്തിൽ കെപിസിസി പ്രസിഡന്റ് കെ സുധാകരനെതിരെ ആരോപണം ഉയരുന്ന പശ്ചാത്തലത്തിലാണ് ചർച്ചകളിൽ പങ്കെടുക്കുന്നതിന് വിലക്ക് ഏർപ്പെടുത്തിയിരിക്കുന്നത്.
മോൻസൺ മാവുങ്കലിനെതിരെ സിബിഐ അന്വേഷണം പ്രഖ്യാപിച്ചാലും സ്വാഗതം ചെയ്യുമെന്ന് കെ സുധാകരൻ പറഞ്ഞു. തനിക്ക് ഒന്നും ഒളിച്ചുവെക്കാനില്ല. മോൻസണെ അറിയില്ലെന്ന് എവിടെയും പറഞ്ഞിട്ടില്ല. വിഷയത്തിൽ പ്രതികരിക്കരുതെന്ന് നേതാക്കളോട് താൻതന്നെയാണ് പറഞ്ഞതെന്ന് സുധാകരൻ പാലക്കാട് പറഞ്ഞു.
മോൻസൺ പെരുംകള്ളനാണെന്ന് നേരത്തെ സുധാകരൻ പറഞ്ഞിരുന്നു. മോൻസണെ കണ്ടതും ചികിത്സ തേടിയതും സത്യമാണ്. ചികിത്സയ്ക്കായി അഞ്ച് ദിവസമാണ് പോയത്. പത്ത് ദിവസം പോയിട്ടില്ല. അസുഖം ഭേദമായതുമില്ല. വ്യാജ ചികിത്സയ്ക്കെതിരെ നിയമ നടപടി സ്വീകരിക്കുമെന്ന് സുധാകരൻ പറഞ്ഞു.
