ഷാർജ
സൺറൈസേഴ്സ് ഹെെദരാബാദിനെ ആറ് വിക്കറ്റിന് തകർത്ത് ചെന്നെെ സൂപ്പർ കിങ്സ് ഐപിഎൽ പ്ലേ ഓഫിൽ കടന്നു. 135 റൺ ലക്ഷ്യവുമായി ഇറങ്ങിയ ചെന്നെെ രണ്ട് പന്ത് ശേഷിക്കെ ജയം നേടി.
ആദ്യം ബാറ്റ് ചെയ്ത ഹെെദരാബാദിന് ഏഴിന് 134ൽ എത്താനേ കഴിഞ്ഞുള്ളൂ. മൂന്ന് വിക്കറ്റെടുത്ത ജോഷ് ഹാസെൽവുഡും രണ്ടെണ്ണം വീഴ്ത്തിയ ഡ്വെയ്ൻ ബ്രാവോയുമാണ് ചെന്നെെ നിരയിൽ തിളങ്ങിയത്. വൃദ്ധിമാൻ സാഹയാണ് (46 പന്തിൽ 44) ഹെെദരാബാദിന്റെ ടോപ്–സ്കോറർ.
ചെന്നെെക്ക് വേണ്ടി ഓപ്പണർമാരായ ഋതുരാജ് ഗെയ്ക്ക്-വാദും (38 പന്തിൽ 45) ഫാഫ് ഡു പ്ലെസിസും (36 പന്തിൽ 41) മികച്ച തുടക്കം നൽകി. ഇടയ്ക്കൊന്ന് പതറിയെങ്കിലും അമ്പാട്ടി റായുഡു (13 പന്തിൽ 17*) ചെന്നെെയെ ജയത്തിലെത്തിച്ചു. മഹേന്ദ്ര സിങ് ധോണി 14 റണ്ണുമായി പുറത്താകാതെനിന്നു.
