IPL 2021, RR Vs RCB Score Updates: ദുബായ്: രാജസ്ഥാൻ റോയൽസിനെതിരെ ടോസ് നേടിയ റോയൽ ചലഞ്ചേഴ്സ് ബാംഗ്ലൂർ ബൗളിംഗ് തിരഞ്ഞെടുത്തു. ടീമിൽ ഓരോ മാറ്റങ്ങളുമായാണ് ഇരു ടീമുകളും ഇറങ്ങുന്നത്. ബാംഗ്ലൂർ നിരയിൽ ഫാസ്റ്റ് ബോളർ കൈൽ ജാമിസണിനു പകരം ജോർജ് ഗാർട്ടൺ കളിക്കും. ഗാർട്ടണിന്റെ ഐപിഎൽ അരങ്ങേറ്റമാണ്. രാജസ്ഥാൻ നിരയിൽ ജയദേവ് ഉനദ്കട്ടിനു പകരം കാർത്തിക് ത്യാഗി ടീമിലെത്തി.
നിലവിലെ ചാമ്പ്യന്മാരായ മുംബൈ ഇന്ത്യൻസിനെതിരായ തകർപ്പൻ വിജയം നേടിയതിന്റെ ആത്മവിശ്വാസത്തിലാണ് റോയൽ ചലഞ്ചേഴ്സ് ബാംഗ്ലൂർ ഇറങ്ങുന്നത്. പ്ലേഓഫ് സാധ്യത നിലനിർത്താൻ പൊരുതാൻ ഉറച്ചായിരിക്കും രാജസ്ഥാൻ റോയൽസ് ഇറങ്ങുക.
വിരാട് കോഹ്ലി നയിക്കുന്ന ആർസിബി നിലവിൽ 10 മത്സരങ്ങളിൽ നിന്ന് 12 പോയിന്റുമായി മൂന്നാം സ്ഥാനത്താണ്, ആർ‌ആറിനെതിരെ വിജയിച്ചാൽ അവർ പ്ലേ ഓഫിൽ കടക്കും. മറുവശത്ത്, 10 മത്സരങ്ങളിൽ നിന്ന് എട്ട് പോയിന്റുകളുള്ള ആർ‌ആറിന് ജീവൻ മരണ പോരാട്ടമാണ്. കാരണം ഇന്ന് തോറ്റാൽ ആദ്യ നാലിൽ ഇടം നേടുക എന്നത് സഞ്ജുവിനും കൂട്ടർക്കും വെല്ലുവിളിയാകും.
Also Read: IPL 2021: “ട്വന്റി 20 ലോകകപ്പ് അപ്രസക്തം; ഇപ്പോള്‍ പ്രാധാന്യം നല്‍കുന്നത് ഐപിഎല്ലിന്”
രാജസ്ഥാൻ റോയൽസ് (പ്ലേയിംഗ് ഇലവൻ): എവിൻ ലൂയിസ്, യശസ്വി ജയ്സ്വാൾ, സഞ്ജു സാംസൺ, ലിയാം ലിവിംഗ്സ്റ്റൺ, മഹിപാൽ ലോംറോർ, റിയാൻ പരാഗ്, രാഹുൽ തെവാട്ടിയ, ക്രിസ് മോറിസ്, കാർത്തിക് ത്യാഗി, ചേതൻ സക്കറിയ, മുസ്തഫിസുർ റഹ്മാൻ
റോയൽ ചലഞ്ചേഴ്സ് ബാംഗ്ലൂർ (പ്ലേയിംഗ് ഇലവൻ): വിരാട് കോഹ്ലി, ദേവദത്ത് പടിക്കൽ, ശ്രീകർ ഭാരത്, ഗ്ലെൻ മാക്സ്വെൽ, എബി ഡിവില്ലിയേഴ്സ്, ഡാനിയൽ ക്രിസ്ത്യൻ, ജോർജ് ഗാർട്ടൻ, ഷഹബാസ് അഹമ്മദ്, ഹർഷൽ പട്ടേൽ, മുഹമ്മദ് സിറാജ്, യുസ്വേന്ദ്ര ചഹൽ
The post IPL 2021, RR Vs RCB Score Updates: റോയൽ ചലഞ്ചേഴ്‌സിന് ടോസ്, ബൗളിങ് തിരഞ്ഞെടുത്തു; ഇരു ടീമിലും മാറ്റങ്ങൾ appeared first on Indian Express Malayalam.
