ലിംഗ ന്യൂനപക്ഷത്തിനായല്ല നമ്മുടെ പ്രവർത്തനം. ലീഗിന്റെ ന്യൂനപക്ഷമെന്നാൽ മതന്യൂനപക്ഷമാണ്. ലീഗിന്റെ ഭരണഘടനയിൽ എവിടെയും ലിംഗ ന്യൂനപക്ഷത്തിനായി നിലകൊള്ളാൻ പറഞ്ഞിട്ടില്ല. മുസ്ലിം സമുദായത്തിൽ ജനിച്ചവർക്ക് ഒരു സംസ്കാരം ഉണ്ടെന്നും അത് കാത്തു സൂക്ഷിക്കണമെന്നും നൂർബിന പറഞ്ഞു.
Also Read :
മുസ്ലിം ലീഗ് സമുദായിക രാഷ്ട്രീയമാണ് മുന്നോട്ടുവെയ്ക്കുന്നത്. നാം ലീഗിലെ സ്ത്രീകളാണെങ്കിലും മുസ്ലിം സ്ത്രീകളാണെന്ന കാര്യം മറക്കരുത്. ഭർത്താവിനും കുട്ടികൾക്കും വേണ്ടി ജീവിക്കുന്ന സ്ത്രീകളാണ് തന്റെ മാതൃകയെന്നും നൂർബിന പറഞ്ഞു.
അതേസമയം മുസ്ലിം ലീഗ് നേതൃത്വത്തിന് പൂർണ്ണ പിന്തുണ നൽകിയും പഴയ ഭാരവാഹികളെ തള്ളിപ്പറഞ്ഞും പുതിയ ഹരിത നേതൃത്വം രംഗത്തെത്തിയിട്ടുണ്ട്. ലീഗ് നേതാക്കളെ വേദനിപ്പിക്കുന്ന നിലപാടുകൾ ഹരിതയിൽ നിന്നും ഉണ്ടാവില്ലെന്നാണ് പുതിയ നേതൃത്വത്തിന്റെ ഉറപ്പ്. പൊതു ബോധത്തിനു വിരുദ്ധമായി പാർട്ടി സ്വീകരിച്ച നിലപാടുകളെല്ലാം ശരിയാണെന്ന് കാലം തെളിയിച്ചിട്ടുണ്ടെന്ന് ഹരിത ജനറൽ സെക്രട്ടറി റുമൈസ റഫീഖ് പറഞ്ഞു. ‘സ്ത്രീ നവോത്ഥാനത്തിന്റെ നാമ്പുകൾ’ എന്ന വിഷയത്തിൽ സംസാരിക്കുകയായിരുന്നു റുമൈസ.
Also Read :
എംഎസ്എഫ് സംസ്ഥാന പ്രസിഡന്റ് പി കെ നവാസിനെതിരെ നൽകിയ കേസിൽ ഹരിത മുൻ ഭാരവാഹികൾ ഉറച്ചു നിന്ന പശ്ചാത്തലത്തിലാണ് അവരെ സ്ഥാനത്തു നിന്നും ഒഴിവാക്കിയത്. പരാതി നൽകുന്നതിൽ നിന്നും വിട്ടുനിന്ന ഹരിത പ്രവർത്തകരെ ഉൾക്കൊള്ളിച്ചാണ് പുതിയ സമിതിക്ക് രൂപം നൽകിയിരിക്കുന്നത്. പിരിച്ചുവിട്ട സംസ്ഥാന സമിതിയിലെ ട്രഷറർ ആയിരുന്ന പി എച്ച് ആയിഷ ബാനുവാണ് പുതിയ സംസ്ഥാന പ്രസിഡന്റ്. ജനറൽ സെക്രട്ടറിയായി റുമൈസ റഫീഖിനെയും ട്രഷററായി നയന സുരേഷിനേയും ലീഗ് നേതൃത്വം നിയമിച്ചു.
എന്നാൽ മുസ്ലിം പെൺകുട്ടികളുടെ അവകാശങ്ങൾക്കു വേണ്ടി സംസാരിക്കുന്നതും കലഹിക്കുന്നതും സിഎച്ച് മുഹമ്മദ് കോയ പകർന്നു നൽകിയ ഊർജ്ജംകൊണ്ടാണെന്ന് എംഎസ്എഫ് മുൻ ദേശീയ വൈസ് പ്രസിഡന്റ് ഫാത്തിമ തഹ്ലിയ പറഞ്ഞു. സിഎച്ച് മുഹമ്മദ് കോയയുടെ 38-ാം ചരമ വാർഷികത്തോടനുബന്ധിച്ച് മാധ്യമം ദിനപത്രത്തിൽ എഴുതിയ ലേഖനത്തിലാണ് അവർ ഇക്കാര്യം പറഞ്ഞത്. മുസ്ലിം പെൺകുട്ടികൾ പഠിച്ചും നയിച്ചും മുന്നേറുന്നതു കാണുമ്പോൾ അവകാശങ്ങൾക്കായി കരളുറപ്പോടെ സംസാരിക്കുന്നതു കാണുമ്പോൾ ആർക്കെങ്കിലും വിമ്മിട്ടം തോന്നുന്നുണ്ടെങ്കിൽ അറിഞ്ഞുകൊള്ളുക സിഎച്ചാണ് അതിന് ഉത്തരവാദി- ഫാത്തിമ പറഞ്ഞു.
