Also Read:
ചിദംബരം ഏത് പശ്ചാത്തലത്തിലാണ് ഇത് പറഞ്ഞതെന്ന് അറിയില്ല. കേരളത്തിലെ കാര്യം കേരളത്തിലെ നേതാക്കൾ നോക്കിക്കൊള്ളാമെന്നും സുധാകരൻ പറഞ്ഞു. ഞങ്ങൾ പറഞ്ഞതിൽ ഉറച്ചു നിൽക്കുകയാണ്. പാലാ ബിഷപ്പിന്റെ പ്രസ്താവന തള്ളുന്നില്ലെന്നും സുധാകരൻ കൂട്ടിച്ചേർത്തു.
Also Read:
സാമുദായിക ചേരിതിരിവ് ഉണ്ടാക്കുന്ന തരത്തിലുള്ളതാണ് ബിഷപ്പിൻ്റെ പ്രസ്താവന. അദ്ദേഹത്തിൻ്റെ വികൃതമായ ചിന്തകളാണ് പ്രസ്താവനയിലൂടെ പുറത്തുവന്നതെന്നുമാണ് ഇന്ത്യൻ എക്സ്പ്രസിലെ ലേഖനത്തിൽ ചിദംബരം പറഞ്ഞത്. നാർക്കോട്ടിക് ജിഹാദ് എന്ന വാക്കിലൂടെ ബിഷപ്പ് ലക്ഷ്യമിടുന്നത് മതഭ്രാന്താണ്. ഈ ചിന്താഗതിയെ രാജ്യം പുറന്തള്ളും. വലതുപക്ഷ ഹിന്ദു സംഘടനകൾ ബിഷപ്പിനെ പിന്തുണച്ച് രംഗത്ത് വന്നതിൽ അത്ഭുതമില്ല. ഇരുകൂട്ടരും മുസ്ലീം ഏന്ന അപരനെയാണ് ലക്ഷ്യമാക്കുന്നത്. തീവ്രഹിന്ദു വലതുപക്ഷം ക്രിസ്ത്യൻ സമൂഹത്തെയും അപരവത്കരിച്ച പല സംഭവങ്ങളും നാം കണ്ടതാണ്. ഏതൊരു വിഭാഗത്തെയും അന്യവത്കരിക്കുന്നത് അഭികാമ്യമല്ലെന്നും പി ചിദംബരം വ്യക്തമാക്കി.
Also Read:
പാലാ ബിഷപ്പിൻ്റെ പ്രസ്താവനയ്ക്കെതിരെ മുഖ്യമന്ത്രി പിണറായി വിജയനും പ്രതിപക്ഷ നേതാവ് വി ഡി സതീശനും സ്വീകരിച്ച നിലപാടും മികച്ചതായിരുന്നു. ബിഷപ്പിന് ശക്തമായ മുന്നറിയിപ്പ് നൽകിയ മുഖ്യമന്ത്രിയുടെ നിലപാടിൽ സന്തോഷമുണ്ട്. തെറ്റായ പ്രചാരണം നടത്തുന്നവരെ വെറുതെ വിടില്ലെന്ന മുഖ്യമന്ത്രിയുടെ പ്രസ്താവനയെ പ്രതിപക്ഷ നേതാവ് പിന്തുണച്ചതിൽ ഏറെ സന്തോഷമുണ്ടെന്നും ചിദംബരം വ്യക്തമാക്കി.
