യൂത്ത് കോൺഗ്രസ് സംസ്ഥാന പ്രസിഡന്‍റ് ഷാഫി പറമ്പിൽ എം എൽ എ പങ്കെടുത്ത ജില്ലാ നേതൃ യോഗത്തിലാണ് മണ്ഡലം പ്രസിഡന്‍റുമാർക്കെതിരെ നടപടി സ്വീകരിച്ചത്. നേതാക്കളുടെ തെരഞ്ഞെടുപ്പ് പ്രവർത്തനങ്ങൾ ഉൾപ്പെടെ വിലലയിരുത്തിയ ശേഷമാണ് നടപടി സ്വീകരിച്ചതെന്നാണ് റിപ്പോർട്ട്.
Also Read :
ജില്ലയിലെ യൂത്ത് കോൺഗ്രസിന്‍റെ അസംബ്ലി ഭാരവാഹികളും സംസ്ഥാന നേതാക്കളും മണ്ഡലം പ്രസിഡന്‍റുമാരും പങ്കെടുത്ത യോഗത്തിലാണ് 15 മണ്ഡലം പ്രസിഡന്‍റുമാർക്കെതിരെ നടപടി സ്വീകരിച്ചത്. സജീവമല്ലാത്ത മണ്ഡലം കമ്മിറ്റികൾക്കും അധ്യക്ഷന്മാർക്കുമെതിരൊണ് നടപടി സ്വീകരിച്ചത്. അസംബ്ലി യൂത്ത് കോൺഗ്രസ് പ്രസിഡന്‍റുമാരുടെ റിപ്പോർട്ടിന്‍റെ അടിസ്ഥാനത്തിൽ വിശദമായ ചർച്ച നടത്തിയാണ് ഇവർക്കെതിരെ നടപടി സ്വീകരിച്ചത്.
5 മണ്ഡലം അധ്യക്ഷന്മാർ നിയമസഭ തെരഞ്ഞെടുപ്പ് പ്രചരണത്തിൽ ഒരു ഘട്ടത്തിൽ പോലും പ്രവർത്തനത്തിനിറങ്ങിയല്ലെന്നാണ് റിപ്പോർട്ടിലുള്ളത്. യൂത്ത് കോൺഗ്രസ് ജില്ലാ പ്രസിഡന്‍റ് എം ജി കണ്ണൻ മത്സരിച്ച അടൂർ മണ്ഡലത്തിൽ പോലും യൂത്ത് കോൺഗ്രസ് നേതാക്കൾ പ്രചാരണ രംഗത്ത് സജീവമായില്ലെന്നാണ് റിപ്പോർട്ടിലുള്ളത്. ഈ സാഹചര്യത്തിലാണ് യൂത്ത് കോൺഗ്രസ് നേതാക്കൾക്കെതിരെ പാർട്ടി ശക്തമായ നടപടി സ്വീകരിച്ചത്.
Also Read :
കഴിഞ്ഞ തദ്ദേശ തെരഞ്ഞെടുപ്പിൽ സീറ്റ് നഷ്ടപ്പെട്ട ചിലയാളുകൾ പാർട്ടി വിരുദ്ധ പ്രവർത്തനങ്ങൾ നടത്തിയെന്നും വിലയിരുത്തലുണ്ട്. വിട്ടു നിന്നവരെ സജീവമാക്കാൻ ശ്രമിക്കാതിരുന്ന അസംബ്ലി പ്രസിഡന്‍റുമാർക്കെതിരെയും യോഗത്തിൽ വിർശനം ഉയർന്നു. റാന്നി , തിരുവല്ല അസംബ്ലി കമ്മിറ്റികളുടെ കീഴിലാണ് ഏറ്റവും കൂടുതൽ നടപടി നേരിട്ട മണ്ഡലം പ്രസിഡന്‍റുമാരുള്ളത്. എ , ഐ ഗ്രൂപ്പുകളുടെ പ്രതിനിധികളായ സംസ്ഥാന വൈസ് പ്രസിഡന്‍റുമാർ കൂടി പങ്കെടുത്ത യോഗത്തിലാണ് നടപടിയെന്നതും ശ്രദ്ധേയമാണ്.
