ഐപിഎല്ലില്‍ ഇന്ന് ധോണിയും കോഹ്ലിയും നേര്‍ക്കുനേര്‍; മത്സരം എപ്പോള്‍, എങ്ങനെ കാണാം?

IPL 2021, RCB vs CSK Live Score Streaming Online: ഇന്ത്യന്‍ പ്രീമിയര്‍ ലീഗില്‍ ഇന്ന് സൂപ്പര്‍ പോരാട്ടം. വിരാട് കോഹ്ലിയുടെ റോയല്‍ ചലഞ്ചേഴ്സ് ബാംഗ്ലൂരും എം.എസ്. ധോണിയുടെ ചെന്നൈ സൂപ്പര്‍ കിങ്സും ഏറ്റുമുട്ടും. ഇരുടീമുകളും പോയിന്റ് പട്ടികയില്‍ ആദ്യ നാലില്‍ ഉണ്ടെങ്കിലും പ്രകടനത്തിന്റെ കാര്യത്തില്‍ രണ്ട് ദിശയിലാണ്. കൊല്‍ക്കത്ത് നൈറ്റ് റൈഡേഴ്സിനോട് വമ്പന്‍ തോല്‍വി വഴങ്ങിയാണ് ബാംഗ്ലൂര്‍ എത്തുന്നത്. ചെന്നൈയാവട്ടെ കഴിഞ്ഞ നിലവിലെ ചാമ്പ്യന്മാരായെ മുംബൈ ഇന്ത്യന്‍സിനെ ആധികാരികമായി കീഴടക്കി.

14.25 കോടി രൂപയ്ക്ക് ടീമിലെത്തിച്ച ഓസ്ട്രേലിയന്‍ താരം ഗ്ലെന്‍ മാക്സ്വല്ലിന്റെ ഫോമാണ് ബാംഗ്ലൂരിന്റെ പ്രധാന ആശങ്ക. സീസണിന്റെ തുടക്കത്തില്‍ മാക്സ്വല്‍ ടീമില്‍ മറ്റാരേക്കാളും സ്ഥിരതയോടെ കളിച്ചിരുന്നു. 39, 59, 78 എന്നിങ്ങനെയായിരുന്നു ആദ്യ മത്സരങ്ങളിലെ സ്കോര്‍. എന്നാല്‍ പിന്നീട് താരത്തിന് കാര്യമായ സംഭാവന നല്‍കാന്‍ കഴിഞ്ഞിട്ടില്ല. അവസാന അഞ്ച് മത്സരങ്ങളില്‍ നിന്ന് നേടിയത് കേവലം 57 റണ്‍സ് മാത്രമാണ്.

മറുവശത്ത് ചെന്നൈയ്ക്കും ടീം തിരഞ്ഞെടുപ്പില്‍ വെല്ലുവിളിയുണ്ടായേക്കും. കഴിഞ്ഞ മത്സരത്തില്‍ സാം കറണിന്റെ അഭാവത്തിലായിരുന്നു ടീം ഇറങ്ങിയത്. ക്വാറന്റൈന്‍ പൂര്‍ത്തിയാക്കി കറണ്‍ എത്തുന്നതോടെ ബോളിങ് ലൈനപ്പില്‍ കാര്യമായ മാറ്റങ്ങള്‍ സംഭവിച്ചേക്കാം. ഓസിസ് താരം ജോഷ് ഹെയ്സല്‍വുഡായിരിക്കും കറണായി വഴിയൊരുക്കുക. എങ്കിലും ഹെയസല്‍വുഡിന്റെ പേസ് മികവ് മാറ്റി നിര്‍ത്താന്‍ ചെന്നൈയ്ക്ക് എളുപ്പത്തില്‍ സാധിക്കില്ല.

When will the Royal Challengers Bangalore vs Chennai Super Kings match begin? റോയല്‍ ചലഞ്ചേഴ്സ് ബാംഗ്ലൂര്‍-ചെന്നൈ സൂപ്പര്‍ കിങ്സ് മത്സരം എപ്പോഴാണ് ആരംഭിക്കുന്നത്?

റോയല്‍ ചലഞ്ചേഴ്സ് ബാംഗ്ലൂര്‍-ചെന്നൈ സൂപ്പര്‍ കിങ്സ് മത്സരം ഇന്ത്യന്‍ സമയം രാത്രി 7.30 ന് ആരംഭിക്കും.

Where will the live coverage of the Royal Challengers Bangalore vs Chennai Super Kings match be available? റോയല്‍ ചലഞ്ചേഴ്സ് ബാംഗ്ലൂര്‍-ചെന്നൈ സൂപ്പര്‍ കിങ്സ് മത്സരം എങ്ങനെ കാണാം?

റോയല്‍ ചലഞ്ചേഴ്സ് ബാംഗ്ലൂര്‍-ചെന്നൈ സൂപ്പര്‍ കിങ്സ് മത്സരത്തിന്റെ തത്സമയ സംപ്രേക്ഷണം സ്റ്റാര്‍ സ്പോര്‍ട്സ് 1, സ്റ്റാര്‍ സ്പോര്‍ട്സ് 1 എച്ച്ഡി, സ്റ്റാര്‍ സ്പോര്‍ട്സ് 3, സ്റ്റാര്‍ സ്പോര്‍ട്സ് 3 എച്ച്ഡി എന്നീ ചാനലുകളില്‍ ഉണ്ടായിരിക്കുന്നതാണ്.

How to watch the live streaming of the Royal Challengers Bangalore vs Chennai Super Kings match online? റോയല്‍ ചലഞ്ചേഴ്സ് ബാംഗ്ലൂര്‍-ചെന്നൈ സൂപ്പര്‍ കിങ്സ് മത്സരത്തിന്റെ ലൈവ് സ്ട്രീമിങ് എങ്ങനെ കാണാം?

റോയല്‍ ചലഞ്ചേഴ്സ് ബാംഗ്ലൂര്‍-ചെന്നൈ സൂപ്പര്‍ കിങ്സ് മത്സരത്തിന്റെ ലൈവ് സ്ട്രീമിങ് ഹോട്സ്റ്റാര്‍ ആപ്പില്‍ ലഭ്യമാണ്.

Also Read: IPL 2021: പേര് രോഹിത് ശര്‍മ, പ്രധാന ഇര കൊല്‍ക്കത്ത; അപൂര്‍വ റെക്കോര്‍ഡുമായി താരം

The post ഐപിഎല്ലില്‍ ഇന്ന് ധോണിയും കോഹ്ലിയും നേര്‍ക്കുനേര്‍; മത്സരം എപ്പോള്‍, എങ്ങനെ കാണാം? appeared first on Indian Express Malayalam.