52 അംഗ നഗരസഭയില് യുഡിഎഫിനും എല്ഡിഎഫിനും 22 വീതം അംഗങ്ങളാണ് ഉള്ളത്. ബിജെപിയ്ക്ക് എട്ട് അംഗങ്ങളുമുണ്ട്. അവിശ്വാസ പ്രമേയത്തില് നിന്ന് 22 കോണ്ഗ്രസ് അംഗങ്ങളും വിട്ടുനിന്നിരുന്നു. ഭരണസ്തംഭനം ആരോപിച്ചാണ് കോട്ടയം നഗരസഭയിൽ എൽഡിഎഫ് അവതരിപ്പിച്ചത്.
Also Read :
തദ്ദേശ തെരഞ്ഞെടുപ്പിന് പിന്നാലെ കോട്ടയം നഗരസഭയിൽ യുഡിഎഫ് 21, എൽഡിഎഫ് 22 ബിജെപി 8 എന്നിങ്ങനെയായിരുന്നു കക്ഷിനില. പിന്നീട് കോണ്ഗ്രസ് വിമതയായി ജയിച്ചുവന്ന ബിന്സി സെബാസ്റ്റ്യൻ യുഡിഎഫിനൊപ്പം ചേര്ന്നതോടെ അംഗബലം 22 ആയി ഉയരുകയായിരുന്നു. ഇതേത്തുടർന്ന് നറുക്കെടുപ്പിലൂടെ യുഡിഎഫിന് ഭരണം ലഭിക്കുകയും ബിന്സി ചെയര്പേഴ്സണാവുകയുമായിരുന്നു.
അവിശ്വാസ പ്രമേയം പരിഗണിക്കുമ്പോള് യുഡിഎഫ് അംഗങ്ങള് വിട്ടു നിൽക്കുകയായിരുന്നു. എന്നാൽ എല്ഡിഎഫ് ബിജെപി അംഗങ്ങള് ഹാജരായതിനാല് ക്വാറം തികഞ്ഞു. ഇതോടെയാണ് വോട്ടെടുപ്പ് നടന്നത്. ഇതോടെ കോട്ടയത്ത് ഈരാറ്റുപേട്ട നഗരസഭയ്ക്ക് പിന്നാലെ യുഡിഎഫിന് ഭരണം നഷ്ടമാകുന്ന രണ്ടാമത്തെ നഗരസഭയായി കോട്ടയം മാറി.
Also Read :
ഈരാറ്റുപേട്ടയിൽ എൽഡിഎഫ് കൊണ്ടുവന്ന അവിശ്വാസ പ്രമേയം എസ്ഡിപിഐ പിന്തുണയോടെയായിരുന്നു പാസായത്. 28 അംഗ നഗരസഭയിൽ യുഡിഎഫിന് 14 അംഗങ്ങളാണുണ്ടായിരുന്നത്. എൽഡിഎഫിന് ഒന്പത് അംഗങ്ങളും.
Also Read :
അതേസമയം എൽഡിഎഫിനെതിരെ രൂകഷവിമർശനവുമായി പ്രതിപക്ഷ നേതാവ് വിഡി സതീശൻ രംഗത്തെത്തി. യുഡിഎഫിനെ ദുര്ബലപ്പെടുത്താന് ഏത് ചെകുത്താനുമായും സിപിഎം കൂട്ടുകൂടുകയാണെന്നായിരുന്നു അദ്ദേഹത്തിന്റെ വിമർശനം. കോട്ടയം ഈരാറ്റുപേട്ട നഗരസഭകളില് ഇത് വ്യക്തമാണെന്നും വിഡി സതീശൻ പറഞ്ഞിരുന്നു.
