കേരളത്തിലെ ഏറ്റവും മുതിർന്ന ബ്രാഞ്ച് സെക്രട്ടറിയെന്ന റെക്കോർഡോടെയാണ് എണ്ണയ്ക്കാട് എ ബ്രാഞ്ചിനെ നാരായണപിള്ള ഇനി നയിക്കുകയെന്നാണ് റിപ്പോർട്ട്. കഴിഞ്ഞദിവസം ചേർന്ന ബ്രാഞ്ച് സമ്മേളനത്തിൽ പാർട്ടി അംഗങ്ങൾ ഏകകണ്ഠേന നാരായണപിള്ളയെ നിർദേശിച്ചതോടെയാണ് പ്രായം പരിഗണിക്കാതെ പാർട്ടി നേതൃത്വം അദ്ദേഹത്തെ സെക്രട്ടറിയായി നിയമിച്ചത്.
Also Read :
ഏറ്റവും എന്നതിന് പുറമെ കൂടുതൽ കാലം ബ്രാഞ്ച് സെക്രട്ടറിയാകുന്ന വ്യക്തി എന്ന നേട്ടവും നാരായണപിള്ളയ്ക്കാണെന്നാണ് ഏഷ്യാനെറ്റ് ന്യൂസ് റിപ്പോർട്ട് ചെയ്യുന്നത്. 1983 മുതൽ പല ഘട്ടങ്ങളിലായി സിപിഎം ബ്രാഞ്ച് സെക്രട്ടറിയുടെ ചുമതല നാരായണപിള്ള വഹിച്ചിട്ടുണ്ട്.
സർക്കാർ ജോലിയിൽനിന്നു വിരമിച്ച 1983 മുതൽ 2005 വരെ തുടർച്ചയായി എണ്ണയ്ക്കാട് എ ബ്രാഞ്ച് സെക്രട്ടറിയായിരുന്നു ഇദ്ദേഹം. പിന്നീട് രണ്ട് സമ്മേളന കാലത്ത് മാറിനിന്നെങ്കിലും വീണ്ടും ബ്രാഞ്ച് സെക്രട്ടറിയാവുകയായിരുന്നു. പഞ്ചായത്ത് എംപ്ലോയീസ് അസോസിയേഷൻ ജില്ലാ സെക്രട്ടറി സ്ഥാനത്ത് 10 വർഷം പ്രവർത്തിച്ച പരിചയവും ഉണ്ട് ഇദ്ദേഹത്തിന്.
Also Read :
പ്രായമല്ല, പ്രവർത്തിക്കാനുള്ള ആരോഗ്യമാണ് പദവിക്ക് പരിഗണിക്കുക എന്നതാണ് നാരായണപിള്ളയെ ബ്രാഞ്ച് സെക്രട്ടറിയാക്കിയ തീരുമാനത്തെക്കുറിച്ച് സിപിഎം ആലപ്പുഴ ജില്ലാ സെക്രട്ടറി ആർ നാസർ പറഞ്ഞത്. പാർട്ടി അംഗങ്ങൾ ഏകകണ്ഠമായി അദ്ദേഹത്തെ തീരുമാനിച്ചതിനാലാണ് സെക്രട്ടറി സ്ഥാനത്ത് തുടർച്ചയായി മൂന്ന് തവണ എന്ന വ്യവസ്ഥയിൽ ഇളവ് നൽകുന്നതെന്നും നാസർ പറഞ്ഞതായി മലയാള മനോരമ റിപ്പോർട്ട് ചെയ്തു.
Also Read :
