സുവാരസിന് ഇരട്ടഗോൾ, അത്‌ലറ്റികോ മുന്നിൽ

മാഡ്രിഡ്
ലൂയിസ് സുവാരസ് അവസാനഘട്ടത്തിൽ നേടിയ രണ്ട് ഗോളിൽ അത്-ലറ്റികോ മാഡ്രിഡിന് ജയം. സ്പാനിഷ് ലീഗിൽ ഗെറ്റഫെയെ 2–1നാണ് അത്-ലറ്റികോ തോൽപ്പിച്ചത്. ഒരു ഗോളിന് പിന്നിട്ടുനിന്നശേഷമായിരുന്നു ചാമ്പ്യൻമാരുടെ ജയം. പട്ടികയിൽ ഒന്നാമതുമെത്തി ദ്യേഗോ സിമിയോണിയുടെ സംഘം.
ഗോൾ കീപ്പർ യാൻ ഒബ്ലാക്കിന്റെ പിഴവുഗോളിൽ പിന്നിലായ അത്-ലറ്റികോ അവസാനനിമിഷങ്ങളിലാണ് വിജയം പിടിച്ചെടുത്തത്. കാർലെസ് അലേന ചുവപ്പുകാർഡ് കണ്ട് പുറത്തായത് ഗെറ്റഫെയ്ക്ക് തിരിച്ചടിയായി.