പാല്ഘര്
ബാധയൊഴിപ്പിക്കാനെന്ന പേരില് യുവതിയെ ക്രൂരമായി മര്ദിച്ച സ്വയംപ്രഖ്യാപിത ആള് ദൈവം അറസ്റ്റില്. മഹാരാഷ്ട്രയിലെ പാല്ഘറിലാണ് സംഭവം. ഹേമരാജ് അംബാല നാഗ്ഡയ്ക്കെതിരെ ദുർമന്ത്രവാദവും ദുരാചാരവും തടയുന്നതിനുള്പ്പെടെയുള്ള വകുപ്പുകള് ചുമത്തി പൊലീസ് കേസെടുത്തു.
ആരോഗ്യ പ്രശ്നങ്ങളെ തുടര്ന്ന് ഇയാളെ സമീപിച്ച മുപ്പതുകാരിയുടെ ശരീരത്തില് ദുരാത്മാവ് കുടിയിരിക്കുകയാണെന്നും ചില ക്രിയകള് ചെയ്യേണ്ടതുണ്ടെന്നും ഹേമരാജ് അറിയിച്ചു.
അത്മാവിനെ ഒഴിപ്പിക്കാനെന്ന പേരില് ഇയാള് യുവതിയെ മുടിക്ക് കുത്തിപ്പിടിച്ച് അടിക്കുകയായിരുന്നു. മര്ദനം രൂക്ഷമായതോടെ യുവതിയുടെ ആരോഗ്യനില വഷളായി. ഇതിന് പിന്നാലെയാണ് ഇവര് പൊലീസിനെ സമീപിച്ചത്.
