കരുനാഗപ്പള്ളി> ഗായകനും സീരിയല് നടനും കോൺഗ്രസ് പഞ്ചായത്ത് അംഗവുമായിരുന്ന അനില് മത്തായി സിപിഐ എമ്മുമായി സഹകരിച്ച് പ്രവർത്തിക്കും. കരുനാഗപ്പള്ളി ഏരിയ കമ്മിറ്റി ഓഫീസിൽ നടന്ന ചടങ്ങില് ജില്ലാ സെക്രട്ടറിയറ്റ് അംഗം പി ആർ വസന്തന് അനിലിനെ പാർടി പതാക കൈമാറി സ്വീകരിച്ചു.
കൽക്കി, തീ തുടങ്ങിയ സിനിമകളിലും പതിനഞ്ചോളം സീരിയലിലും അഭിനയിച്ചിട്ടുണ്ട്. ഡബ്ബിങ് ആർട്ടിസ്റ്റായും ശ്രദ്ധ നേടി. 2016ൽ സംസ്ഥാന ടെലിവിഷൻ അവാർഡും പൊതുവിദ്യാഭ്യാസ ചലച്ചിത്ര അവാർഡും ലഭിച്ചിട്ടുണ്ട്. സിപിഐ എം ഏരിയ സെക്രട്ടറി പി കെ ബാലചന്ദ്രന്, ബി സജീവൻ, ടി രാജീവ്, വസന്താരമേശ്, കുറ്റിയിൽ സജീവ്, ആർ രഞ്ജിത്, കെ ആർ സജീവ്, കായിക്കര ഹാഷിം, തോട്ടുകര ഹാഷിം എന്നിവര് പങ്കെടുത്തു.
