കരുനാഗപ്പള്ളിയിലെ ഒരു ഔദ്യോഗിക പരിപാടി കഴിഞ്ഞ് തിരുവനന്തപുരത്തേക്ക് മടങ്ങുന്നതിനിടെ കുരിയപ്പുഴ റോഡിൽ വീണ് കിടക്കുന്ന തുളസീധരനെ കണ്ട് മന്ത്രി വാഹനം നിർത്തുകയും പരിക്കേറ്റ് റോഡിൽ കിടക്കുന്നയാൾക്ക് സമീപത്തേക്ക് എത്തുകയുമായിരുന്നു. ഉടൻ തന്നെ തുളസീധരനെ ഉടൻ ആശുപത്രിയിൽ എത്തിക്കാൻ ഒപ്പമുണ്ടായിരുന്ന കരുനാഗപ്പള്ളി എസ്ഐ ധന്യയുടെ നേതൃത്വത്തിലുള്ള പോലീസ് സംഘത്തോട് നിർദേശിക്കുകയും ചെയ്തു. തുടർന്ന് എസ്ഐയുടെ നേതൃത്വത്തിൽ പോലീസ് തുളസീധരനെ ഓട്ടോറിക്ഷയിൽ ആശുപത്രിയിലെത്തിച്ചു.
അപകടം സംഭവിച്ചെങ്കിലും തുളസീധരൻ്റെ പരിക്ക് ഗുരുതരമല്ലെന്ന് മന്ത്രി പറഞ്ഞു. റോഡിൽ അപകടത്തിൽപെട്ടു കിടക്കുന്നവരെ രക്ഷിക്കാൻ മടിക്കാണിക്കരുതെന്നും അദ്ദേഹം പറഞ്ഞു. അതേസമയം, തുളസീധരനെ ആശുപത്രിയിൽ എത്തിക്കാൻ ശ്രമം നടത്തിയിരുന്നുവെന്നും കൈകാണിച്ചിട്ടും മറ്റ് വാഹനങ്ങൾ നിർത്താതെ പോയെന്നും നാട്ടുകാർ പറഞ്ഞു. സംഭവത്തിൻ്റെ ദൃശ്യങ്ങൾ സമൂഹമാധ്യമങ്ങളിലൂടെ പുറത്തുവന്നു.
