ബർലിൻ
ബൊറൂസിയ ഡോർട്ട്മുണ്ടിനായി ഇരുപത്തൊന്നുകാരൻ എർലിങ് ഹാലൻഡ് ഗോളടി തുടരുന്നു. യൂണിയൻ ബർലിനെതിരായ ഇരട്ടഗോളോടെ ഹാലൻഡ് മറ്റൊരു നേട്ടം കുറിച്ചു.
ഡോർട്ട്മുണ്ടിനായി കളിച്ചതിൽ കൂടുതൽ ഗോളടിച്ചെന്ന അപൂർവനേട്ടം നോർവേക്കാരൻ സ്വന്തമാക്കി. 67 കളിയിൽ 68 ഗോളാണ് ഹാലൻഡിന്. 19 അവസരങ്ങളും സൃഷ്ടിച്ചു.
കഴിഞ്ഞവർഷം ജനുവരിയിലാണ് ആർബി സാൾസ്ബുർഗിൽനിന്ന് ഹാലൻഡ് ഡോർട്ട്മുണ്ടിലെത്തിയത്. ഈ സീസണിൽ 11 കളിയിൽ 16 ഗോളായി. ജർമൻ ലീഗിൽ ഏഴ് ഗോളായി ഹാലൻഡിന്.
