റയലിന്‌ കുതിപ്പ്‌

മാഡ്രിഡ്
കളിയുടെ അവസാനഘട്ടത്തിൽ കരിം ബെൻസെമ, വിനീഷ്യസ് ജൂനിയർ സഖ്യം നടത്തിയ തകർപ്പൻ പ്രകടനം റയൽ മാഡ്രിഡിനെ കാത്തു. സ്പാനിഷ് ലീഗിൽ വലൻസിയയെ 2–1നാണ് റയൽ തോൽപ്പിച്ചത്. മൂന്ന് മിനിറ്റിന്റെ ഇടവേളയിൽ ബെൻസെമയും വിനീഷ്യസും ഗോളടിച്ചു. ഹ്യൂഗോ ഡ്യൂറോയുടെ ഗോളിൽ വലെൻസിയയാണ് ആദ്യം ഗോളടിച്ചത്. 86–ാംമിനിറ്റിലായിരുന്നു റയലിന്റെ സമനിലഗോൾ. പിന്നാലെ വിജയഗോളും പിറന്നു.