‘നിങ്ങളെ പേടിച്ച് ഓടിയൊളിക്കുന്നവളല്ല പത്മജ, ജസ്റ്റ് റിമംബർ ദാറ്റ്!’ ‘സൈബർ അക്രമി’കൾക്ക് മറുപടി

സല്യൂട്ട് വിഷയത്തിൽ രാജ്യസഭാ എംപി സുരേഷ് ഗോപിയെ വിമര്‍ശിച്ചതിന് സമൂഹമാധ്യമങ്ങളില്‍ ഉയര്‍ന്ന പ്രചരണങ്ങളെ കടുത്ത ഭാഷയിൽ വിമര്‍ശിച്ച് കോൺഗ്രസ് നേതാവ് പത്മജ വേണുഗോപാൽ. മാന്യമായ വിമർശനത്തിന് നിലവാരം കുറഞ്ഞ ഭാഷയിൽ അധിക്ഷേപിച്ചതാണ് വനിതാ നേതാവിനെ ചൊടിപ്പിച്ചത്. നിയമസഭാ തെരഞ്ഞെടുപ്പിൽ സുരേഷ് ഗോപിക്കെതിരെ തൃശൂരിൽ നിന്നും കോൺഗ്രസിനെ വേണ്ടി പത്മജയായിരുന്നു മത്സരിച്ചത്.

Also Read :
തന്റെ വിമർശനത്തിലെ പ്രധാന പോയിന്റ് “നരേന്ദ്ര മോദി ഈ രാജ്യത്തെ പാവപ്പെട്ട കർഷകരെ പുതിയ കാർഷിക നിയമം നടപ്പിലാക്കി ദുരിതത്തിൽ ആക്കിയിരിക്കുന്ന ഈ സമയത്ത്, സുരേഷ് ഗോപി തൃശ്ശൂരിൽ വന്ന് കർഷകർക്ക് വേണ്ടി നടത്തിയ വാചക കസർത്ത് വെറും കാപട്യം ആയേ കാണാൻ കഴിയൂ എന്നാണ്… രാജ്യത്ത് പാവപ്പെട്ട കർഷകർ അതിജീവനത്തിന് വേണ്ടി സമരം തുടങ്ങിയിട്ട് മാസങ്ങൾ ആയെന്നും ഫേസ്ബുക്ക് കുറിപ്പിൽ കുറിക്കുന്നു.

സുരേഷ് ഗോപി എംപി അദ്ദേഹത്തെ വിമർശിച്ചവർക്കു നേരെ പറഞ്ഞ നിലവാരം ഇല്ലാത്ത വാചകങ്ങൾ.. “പന്നൻമാർ “, “നിന്റെ ഒക്കെ അണ്ണാക്കിൽ തള്ളി തരാം ” തുടങ്ങിയവ ധിക്കാരത്തിന്റെയും സംസ്‍കാര ശൂന്യതയുടെയും ആണ്. ഒരു ജന പ്രതിനിധി ഇത്തരം വാചകങ്ങൾ പറയാൻ പാടില്ല.

സിനിമയിൽ നിയമം എപ്പോഴും പറഞ്ഞ് രാഷ്ട്രീയ ഭരണാധികാരികളെ പരിഹസിച്ചു ഡയലോഗുകൾ പറഞ്ഞ് കൈയടി വാങ്ങിയ അദ്ദേഹം, ഒരു ജനപ്രതിനിധി ആയപ്പോൾ സല്യൂട്ട് അവശ്യപ്പെട്ടപ്പോൾ എംപി, എംഎൽഎമാർക്ക് നിയമപരമായി സല്യൂട്ടിനു അർഹത ഇല്ല എന്ന നിയമ വശം ഞാൻ സൂചിപ്പിച്ചു എന്ന് മാത്രമാണെന്നും സമൂഹമാധ്യമത്തിൽ കുറിച്ചു.

അദ്ദേഹത്തെ ആരെങ്കിലും സല്യൂട്ട് ചെയ്താൽ ഞാൻ ഒരു തെറ്റും കാണുന്നില്ല.. പക്ഷെ ചോദിച്ചു സല്യൂട്ട് വാങ്ങിയതിലെ അനൗചിത്യത്തെ സൂചിപ്പിച്ചു എന്ന് മാത്രമാണെന്നും പത്മജ പറയുന്നു.

തന്റെ ഭര്‍ത്താവിന്റെ ചെലവിലാണ് ജീവിക്കുന്നതെന്നും താനും നിരവധി സന്നദ്ധപ്രവര്‍ത്തനങ്ങള്‍ ചെയ്തിട്ടുണ്ടെന്നും അവര്‍ പറയുന്നു. കെപിസിസി ഭവന പദ്ധതിക്ക് 5 ലക്ഷം രൂപ ഞാൻ നൽകിയതായും, മറ്റൊരു കോൺഗ്രസ് പ്രവർത്തകന് മറ്റൊരു വീടും നൽകിയെന്നും പത്മജ കുറിക്കുന്നു.

തന്റെ അടുത്ത് സഹായം ചോദിച്ച നിരവധി പേരെ സഹായിച്ചിട്ടുണ്ട്, പക്ഷെ അത് വിളിച്ചു കൂവി പരസ്യം നൽകി ചാനലുകൾ വഴി പ്രചരിപ്പിച്ചിട്ടില്ല. സഹായം ചോദിച്ച എല്ലാവരെയും സഹായിക്കാനും എനിക്ക് കഴിഞ്ഞിട്ടില്ല. എന്നാൽ കഴിയുന്നത് ഞാൻ ചെയ്തിട്ടുണ്ടെന്നും അവര്‍ പറയുന്നു.

അച്ഛന്റെ തഴമ്പിൽ രാഷ്ട്രീയത്തിൽ നിൽക്കുന്നു എന്ന് പറയുന്നവരോട്. അച്ഛൻ മരിച്ചിട്ടു 11വർഷം ആകുന്നു .. ഇപ്പോൾ താൻ പ്രവർത്തിക്കുന്നത് സ്വന്തം വ്യക്തിത്വത്തിലും പരിശ്രമത്തിലും തന്നെ ആണെന്ന് പത്മജാ വേണുഗോപാൽ പറഞ്ഞു. ഇപ്പോൾ എനിക്ക് താങ്ങും തണലുമായി ഉള്ളത് തൃശ്ശൂരെ കോൺഗ്രസ് പ്രവർത്തകരും എന്നെ സ്നേഹിക്കുന്ന ജനങ്ങളും ആണ്.

Also Read :

കഴിഞ്ഞ രണ്ട് ഇലക്ഷനുകളും സാധാരണ യുഡിഎഫ് പ്രവർത്തകരുടെ ശക്തിയിലും സഹായത്തിലും ആണ് ഞാൻ നേരിട്ടത്. എന്റെ പാർട്ടിയാണ് താൻ രാഷ്ട്രീയത്തിൽ എന്ത് ആകണം, ആകണ്ട എന്ന് തീരുമാനിക്കുന്നത്. തന്റെ പ്രവർത്തനങ്ങളും ഞാൻ ഇടപെടുന്ന രീതിയും തന്റെ സംസാര ശൈലിയും എന്നെ അറിയുന്ന തൃശ്ശൂരെ ജനങ്ങൾക്ക്‌ അറിയാമെന്നും അവര്‍ കുറിക്കുന്നു.

മരിച്ചു പോയ എന്റെ അച്ഛനെ അധിക്ഷേപിക്കുക, എന്നെ അധിക്ഷേപിക്കുക, സോണിയ ഗാന്ധിയെ ഇറ്റലിക്കാരി എന്ന് വിളിച്ചു അധിക്ഷേപിക്കുക ഒക്കെ ചെയ്യുന്ന ബിജെപിക്കാരോട് എനിക്ക് ഒന്നേ പറയാൻ ഒള്ളൂ “നിങ്ങളെ പേടിച്ച് ഓടി ഒളിക്കുന്നവൾ അല്ല പദ്മജ.. Just remember that…. എന്ന് പറഞ്ഞാണ് കുറിപ്പ് അവസാനിപ്പിക്കുന്നത്.